თურქმა მესაზღვრეებმა ჩემოდანში ქართველი ქალი იპოვეს

2017-02-21 11:42:40, 3535 ნახვა

საზოგადოება მსოფლიო

თურქეთ-საქართველოს საზღვარზე პოლიციამ ორი ქართველი მას შემდეგ დააკავა, რაც ქალი თურქეთში შესვლას ჩემოდანში დამალული ცდილობდა, - ამის შესახებ Daily Sabah-ი იუწყება.

მედია საშუალების ინფორმაციით, წყვილი სარფის საბაჟო-გამშვები პუნქტის ჭიშკართან, ხოფის რაიონში დააკავეს.

პოლიციამ საეჭვოდ მიიჩნია ჩემოდნით მოძრავი მამაკაცი. სამართალდამცავებმა მას ბარგის გახსნა მოსთხოვეს, ჩემოდანში კი დამალული ქალი აღმოჩნდა.

დაკვითხვის დროს, თურქმა სამართალდამცველებმა დაადგინეს, რომ 28 წლის ქალი თურქეთიდან დეპორტირებული იყო.

ფაქტზე გამოძიება მიმდინარეობს, წყვილი პოლიციაშია გადაყვანილი.

მედიის ცნობით, სარფის საბაჟო-გამშვებ პუნქტზე მსგავსი შემთხვევა სამი დღის წინაც მოხდა, როდესაც თურქეთში უკანონოდ შესვლას ჩემოდანში დამალული კიდევ ერთი ადამიანი ცდილობდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან