პოროშენკო: შეცდომა იქნებოდა ფიქრი, რომ პუტინის მადა მხოლოდ უკრაინით შემოიფარგლება

2017-02-18 12:23:52, 3212 ნახვა

მსოფლიო

უკრაინის პრეზიდენტმა პეტრო პოროშენკომ რუსეთის ხელისუფლება უკრაინის სახელმწიფოს სიძულვილში დაადანაშაულა, - ამის შესახებ უკრაინის პრეზიდენტმა მიუნხენის უსაფრთხოების კონფერენციაზე სიტყვით გამოსვლისას განაცხადა.

"პუტინს ღრმად და გულწრფელად სძულს უკრაინა. ის უარყოფს, რომ არსებობს უკრაინელი ერი, მე ეს პირადად ვიცი. ის უკრაინელებს რუსეთის ნაწილად თვლის და მას ევროპის რუკის შეცვლა სურს. მაგრამ შეცდომა იქნებოდა იმის ფიქრი, რომ პუტინის მადა მხოლოდ უკრაინით შემოიფარგლება. მხოლოდ ერთი დრო და ერთი ადგილია, სადაც შესაძლებელია უარი ითქვას რუსულ რევანშიზმზე. ეს დრო ახლაა და ადგილი კიდევ უკრაინაა", - განაცხადა პოროშენკომ.

ცნობისთვის, მიუნხენის უსაფრთხოების კონფერენციაზე გამართულ პირველ დისკუსიაზე განხილვის მთავარი თემა უკრიანა-რუსეთის ურთოერთობები, ბრიტანეთის მიერ ევროკავშირის დატოვება და აშშ-ის შიდა პოლიტიკური საკითხები იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან