ინაშვილი: ქართველ ხალხს გამძლეობას ვუსურვებ ამ მთავრობის ხელში - არცერთი დაპირება არ შესრულდა

2017-02-08 19:05:27, 1587 ნახვა

პოლიტიკა

პარლამენტის ვიცე-სპიკერმა, ფრაქცია „საქართველოს პატრიოტების“ თავმჯდომარე ირმა ინაშვილმა საზოგადოებას მიმართა და „მთავრობის ხელში გამძლეობა“ უსურვა.

როგორც ინაშვილმა სიტყვით გამოსვლისას აღნიშნა, მთავრობამ არცერთი დაპირება არ შეასრულა.

"მინდა კიდევ ერთხელ ამ დარბაზიდან ქართველ ხალხს მივმართო და ვუსურვო მხნეობა და გამძლეობა ამ მთავრობის და ხელისუფლების ხელში. არც ერთი მისი დაპირება არ შესრულდა. რასაც მე ვპროგნოზირებდი, რომ ლარიზაცია არ გაამართლებს, რომ კრიზისი გამწვავდება, ეს ყველაფერი სრულდება. დღეს ჩვენ ვხედავთ რა ხდება ჩვენს ქვეყანაში - „ბავშვთა სამყაროს" დაზარალებულები, „აზოტიდან" ხალხი გამოუშვეს, თავდაცვის სამინისტროდან ყველანაირი ახსნა განმარტებების გარეშე თანამშრომლები გაათავისუფლეს და სახელმწიფო ამბობს, მე არა ვარ შუაში. შუაში კი არა თავში ხართ. ნება იბოძეთ და მიხედეთ ქართველ ხალხს, თორემ ეს ქართველი ხალხი, ძალიან მალე, ამ თვეებში ადეკვატურად გიპასუხებთ", - განაცხადა ირმა ინაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან