მე ვარ ის მეგობარი, რომელზეც დავით საყვარელიძე საუბრობდა, - ამის შესახებ ტელეკომპანია "რუსთავი 2"-ის გენერალურმა დირექტორმა ნიკა გვარამიამ გადაცემა "არჩევანში" განაცხადა.

ნიკა გვარამიამ დაადასტურა, რომ  ლაშა ნაცვლიშვილი ბიძინა ივანიშვილის პირადი ფარული ჩანაწერების სანაცვლოდ რამდენიმე მილიონს ითხოვდა.

მისივე თქმით, მას მოსმენილი აქვს ჩანაწერები ქალაქ ჟენევაში, მაგრამ არა სრულად. როგორც გვარამიამ აღნიშნა, მასალები ლაშა ნაცვლიშვილის მეგობართან ინახება ერევანში, დიდი რაოდენობით და მათ შორის არის ბიძინა ივანიშვილის უკანონო მოსმენებიც, რომელთა შორის ერთ-ერთიც მან მოისმინა.

„მას ეს მასალები აქვს შენახული დღემდე ერევანში. ასე მითხრა, ყოველ  შემთხვევაში, რომ მის მეგობართან ინახება ეს მასალები ერევანში, დიდი რაოდენობით და მათ შორის არის ბიძინა ივანიშვილის უკანონო მოსმენებიც, ერთ-ერთი მათგანი მან მომასმენინა. მე ბოლომდე არ მისმენია, მაგრამ მან უბრალოდ დამარწმუნა, რომ ამგვარი მასალები აქვს. ის ესაუბრებოდა თავის თანამშრომელს... და მითხრა, რომ ეს დაჯდება რამდენიმე მილიონი დოლარი,“ - აცხადებს ნიკა გვარამია.  

ცნობისთვის, რამდენიმე წუთის წინ, საქართველოს მთავარი პროკურორის ყოფილმა მოადგილე დავით საყვარელიძემ განაცხადა, რომ მის მეგობარს ლაშა ნაცვლიშვილმა რამდენიმე მილიონის სანაცვლოდ ბიძინა ივანიშვილის სატელეფონო ჩანაწერების ყიდვა შესთავაზა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა