პოლიტიკოსებს შორის მოლაპარაკების მაგიდა არის ის საშუალება, რომელიც გაძლევს პრობლემების დაძლევის, ან დაძლევის წინაპირობის შექმნის შესაძლებლობას, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "იბერია"-სთან მიცემულ ინტერვიუში განაცხადა.

ჟურნალისტის კითხვაზე, აქტიურად დაიწყება თუ არა რუსეთ-საქართველოს პირველ პირებს შორის შეხვედრაზე საუბარი, პრეზიდენტმა განაცხადა, რომ ამ ეტაპზე, ამ მიმართულებით რეალური დღის წესრიგი არ არის ჩამოყალიბებული.

"ჩემი პოზიტია არის, რომ ყოველთვის უნდა გამოიყენო მოლაპარაკების მაგიდა. რა თქმა უნდა, შეხვედრა უნდა იყოს მომზადებული და ამაში ყველა უწყება უნდა იყოს აქტიურად ჩართული, და ჩვენ შეხვედრისკენ უნდა ვიყოთ მოტივირებული, იმიტომ რომ პოლიტიკოსებს შორის მოლაპარაკების მაგიდა არის ის საშუალება, რომელიც გაძლევს პრობლემების დაძლევის, ან დაძლევის წინაპირობის შექმნის შესაძლებლობას და ამ თვალსაზრისით, რა თქმა უნდა, ჩვენ ძალიან კონცენტრირებულები უნდა ვიყო ამ მიმართულებით, თუმცა რეალური დღის წესრიგი, სამწუხაროდ ამ ეტაპამდე არ ყოფილა ჩამოყალიბებული, სადაც ჩვენ და რუსეთის ფედერაცია რეალური პრობლემების გადაწყვეტის თაობაზე შევხვდებოდით", - განაცხადა პრეზიდენტმა.

შეკითხვაზე, ხომ არ არის განგაშისი საფუძველი, რომ კვლევების მიხედვით, პრორუსული განწყობის მქონე მოქალაქეების რიცხვი გაიზარდა, პრეზიდენტმა განაცხადა, რომ გასარკვევია, ეს ადამიანები არიან რუსეთის მხარდამჭერები თუ უბრალოდ ევროსკეპტიკოსები.

პრეზიდენტმა ხაზგასმით აღნიშნა, რომ საქართველო სტაბილურად ინარჩუნებს ევროინტეგრაციის კურსს.

"ალბათ გასარკვევია, ეს არის რუსეთის მხარდამჭერთა რაოდენობა გაზრდილი თუ გარკვეულწილად ევროსკეპტიკოსები არიან, თუმცა ჩვენ სტაბილურად ვინარჩუნებთ ევროინტეგრაციის კურსს და ეს ნათლად ჩანს. რამდენიმე დღის წინ ჩვენ ვიზალიბერალიზაციასთან დაკავშირებით ძალიან მნიშვნელოვანი ნაბიჯი გადავდგით. აი, ამ ვითარებაში რა თქმა უნდა რუსეთთან არსებობს ერთდროულად ძალიან პრობლემური თემები, რომლებიც უკავშირებდა ოკუპირებულ რეგიონებს, რეგიონებზე მცოცავ ანექსიას, გადასასვლელი პუნქტების დახურვას, იქ მოქალაქეების უფლებების დაცვას, ეს პრობლემები ყველა ყოველდღიურია და  ამათ ირგვლივ აქტიურად უნდა ვიყოთ გაერთიანებული. მეორე მხრივ გვაქვს წარმატებები ვაჭრობის სფეროში, რაც მისასალმებელია და აი, ამ რეჟიმში ვმოქმედებთ", - აღნიშნა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა