პრეზიდენტი: ყველა ჯარისკაცის ინტერესის დაცვა თავმოყვარე სახელმწიფოს ვალია

2017-01-31 16:16:19, 1457 ნახვა

პოლიტიკა

პრეზიდენტი, შეიარაღებული ძალების მთავარსარდალი, გიორგი მარგველაშვილი გიორგი ცერცვაძის საკითხს გამოეხმაურა. მისი პოზიცია მედიას პრესსპიკერმა ეკა მიშველაძემ დღევანდელ ბრიფინგზე გააცნო. პრეზიდენტი მიიჩნევს, რომ საქართველოს ყველა ჯარისკაცის ინტერესის დაცვა, თავმოყვარე ქვეყნისა ვალია:

„ცერცვაძის საკითხს რაც შეეხება, პირველი დღიდან დაწყებული პრეზიდენტი იყო ინფორმირებული და ჩართული იყო მისი, როგორც მოქალაქის დაცვის საკითში. მძიმე იყო იმის გაგება, რომ საქართველოს მხრიდან მოხდა ინფორმაციის გადაცემა. ეს არავითარ შემთხვევაში არ უნდა განმეორდეს და თუ არსებობს მსგავსი პრეცედენტები სხვა ჯარისკაცებთან მიმართებაში, ერთმნიშვნელოვნად გიფიქსირებთ პრეზიდენტის აზრს, ყველა ჯარისკაცის ინტერესის დაცვა არის თავმოყვარე ქვეყნისა და სახელმწიფოს ვალი“,-განაცხადა პრეზიდენტის სპიკერმა ეკა მიშველაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან