საკონსტიტუციო კომისიამ დღეს გამართულ სხდომაზე პარლამენტის ადგილმდებარეობის საკითხი განიხილა.

ქუთაისიდან პარლამენტის თბილისში გადმოტანასთან დაკავშირებით, რამდენიმე ვერსია გამოიკვეთა.

საპროცედურო საკითხთა კომიტეტის თავმჯდომარის, გიორგი კახიანის განცხადებით, იყო მოსაზრება იმის შესახებაც, რომ პარლამენტის ადგილმდებარეობა კონსტიტუციით აღარ რეგულირდებოდეს.

მისივე თქმით, კომისიის წევრთა უმრავლესობამ პარლამენტის დედაქალაქში გადმოტანის მომხრეა.

„რაც შეეხება პარლამენტის ადგილსამყოფელთან დაკავშირებულ დავას, კომისიის ფაქტობრივად ყველა მონაწილე იყო ერთ აზრზე, გარდა ერთი გამონაკლისისა. დასახელდა რამდენიმე ვარიანტი, თუ როგორ შეიძლება ეს საკითხი იყოს მოწესრიგებული. კერძოდ, პირველი ვარიანტის თანახმად, იყო მოსაზრება, რომ ამოვიღოთ საერთოდ კონსტიტუციურად რეგულირება პარლამენტის ადგილსამყოფელის. იმავდროულად, თქვენ იცით, რომ ეს საკითხი პარლამენტის რეგლამენტითაც რეგულირდება. იმ შემთხვევაში, თუ ახალმოწვეული საკანონმდებლო ორგანო მიიჩნევს, რომ პარლამენტი უნდა იყოს თბილისში, ბუნებრივია რეგლამენტში განხორციელდება შესაბამისი ცვლილება და პარლამენტის ადგილსამყოფელი იქნება თბილისი, ანუ სამართლებრივი თვალსაზრისით, კონსტიტუციიდან საერთოდ გაქრეს ამ საკითხის რეგულირება. მეორე ვერსია იყო ის, რომ პირდაპირ კონსტიტუციაში გაიწეროს, რომ პარლამენტის ადგილსამყოფელი თბილისია. გარდა ამისა, ასეთი მოსაზრებაც იყო, ხომ არ გაიწეროს კონსტიტუციაში, რომ პარლამენტის ადგილსამყოფელი ქვეყნის დედაქალაქია. რამდენიმე ვერსია იყო, მაგრამ თუ ამ ყველაფერს თავს მოვუყრით, ერთადერთი მოსაზრება, რომ პარლამენტი ისევ ქუთაისში დარჩეს, ევროპული საქართველოს“ წარმომადგენლებმა გამოთქვეს. ყველა სხვა მოსაზრება ძირითადად უკავშირდებოდა იმ მოდელსა და ფორმულირებებს, რაზეც ვისაუბრე“,- განმარტა გიორგი კახიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა

ივანიშვილის დეპუტატის ვიქტორ ჯაფარიძის შვილის კომპანიამ 10.4 მილიონი ლარის ტენდერები მოიგო

მოსკოვის გარშემო 40-ზე მეტი დამატებითი საჰაერო თავდაცვის კოშკი დამონტაჟდა

რუსეთმა ხარკოვსა და ზაპოროჟიეზე იერიში ზელენსკის მიერ გამოცხადებული „ცეცხლის შეწყვეტის“ შემდეგ მიიტანა