საქართველოს პარლამენტის ვიცე-სპიკერის თამარ ჩუგოშვილის განცხადებით, აღმასრულებელმა ხელისუფლებამ ყველაფერი გააკეთა, რომ „გაზპრომთან“ საუკეთესო პირობები მიეღო.

როგორც ჩუგოშვილმა განმარტა, საპარლამენტო უმრავლესობას „გაზპრომის“ საკითხზე აღმასრულებელ ხელისუფლებასთან კითხვები არ აქვს.

„ჩვენ ვიცით მოლაპარაკება როგორც წარიმართა. ვიცით, რომ აღმასრულებელმა ხელისუფლებამ ყველაფერი გააკეთა, რათა საქართველოსთვის საუკეთესო პირობები, რამდენადაც ეს შესაძლებელი იყო, ამ მოლაპარაკების პროცესში, მიეღო. ჩვენ საჭიროდ არ ჩაგვითვლია კახი კალაძის მოწვევა საქართველოს პარლამენტში ან უმრავლესობის სხდომაზე. ჩვენ ვართ ერთი გუნდის წარმომადგენლები, და არა მხოლოდ ამ საკითხზე, ბევრ საკითხზე გვაქვს ხოლმე შეხვედრები და განხილვა, ეს სრულიად ბუნებრივი და ჯანსაღი პროცესია. ჩვენ გვქონდა შეხვედრა ენერგეტიკის მინისტრთან და მის მოადგილესთან, ყველა კითხვაზე პასუხები მივიღეთ და არანაირი ეჭვები ამ საკითხთან დაკავშირებით ნამდვილად არ გვაქვს“, - განაცხადა თამარ ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება