„გოლდენ სტეიტის“ ქართველი ცენტრი, ზაზა ფაჩულია NBA ALL-STAR-ის სასტარტო ხუთეულში ვერ მოხვდა.

ALL-STAR-ის გუნდების მონაწილეთა ვინაობა ტელეარხ TNT-ზე გამოცხადდა.

ფაჩულიამ გულშემატკივართა 1 528 941 ხმა დააგროვა. ამ მაჩვენებლით იგი დასავლეთის ფორვარდთა შორის მე-2 ადგილზე გავიდა, თუმცა მას მედიამ და კალათბურთელებმა მხარი არ დაუჭირეს და სასტარტო ხუთეულს მიღმა დარჩა. კერძოდ, მოთამაშეთა გამოკითხვაში ზაზა მე-12 ადგილზე გავიდა, მედიის გამოკითხვაში კი - მეათეზე.

გამოკითხვის შედეგად შერჩეული ხუთეულები ასე გამოიყურება:

აღმოსავლეთისკონფერენცია - ლებრონ ჯეიმსი, კაირი ირვინგი, დემარ დეროუზენი, ჯიმი ბატლერი, იანის ანდეტოკუნმპო.

დასავლეთის კონფერენცია - სტეფ კარი, კევინ დურანტი, ჯეიმს ჰარდენი, კავაი ლეონარდი, ენტონი დევისი.

შეგახსენებთ, NBA-მ წელს წესები შეცვალა და მხოლოდ გულშემატკივართა ხმები ALL-STAR-ის წლევანდელ მატჩში მოსახვედრად საკმარისი აღარ არის. 50% გულშემატკივართა ხმების წილია, 25-25% კი, მედიისა და კალათბურთელების.

NBA-ს „ყველა ვარსკვლავის“ მატჩი 19 თებერვალს ნიუ-ორლეანში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო