არა გაზპრომს! - ამ ლოზუნგით ხვალ მთავრობის კანცელარიასთან  პლატფორმა "დაიცავი თავისუფლება" აქცია-პერფომანსს გამართავს.

აქციის ერთ-ერთი ორგანიზატორი, "ტაბულას" მთავარი რედაქტორი თამარ ჩერგოლეიშვილია, რომელმაც "კურიერის" ეთერში განაცხადა, რომ მთავრობის კანცელარიასთან ხვალ აქცია-პერფომანსი იგეგმება, ხოლო შემდეგ კი, შესაძლოა მასშტაბური აქციები გაიმართოს.

როგორც ჩერგოლეიშვილმა აღნიშნა, საქართველოს 20 წელზე მეტია, გაზპრომთან მომგებიანი ხელშეკრულება აქვს დადებული. მისი თქმით, წლების განმავლობაში რუსეთი ცდილობდა ნატურით ანაზღაურების ფულადით ჩანაცვლებას, რაც ქვეყნისთვის ტრანზიტული მოგების განახევრებას გულისხმობდა.

აქვე, თამარ ჩერგოლეიშვილი ხელისუფლების მიერ გაზპრომთან დადებული ხელშეკრულების გასაიდუმლოებას აკრიტიკებს და გასაჯაროებისკენ მოუწოდებს. მისი თქმით, საქართველოს მთავრობის მხრიდან მსგავსი ქმედება „არაკომპეტენტურობის, უხერხემლობა, ქვეყნის ინტერესების ფეხებზე დაკიდების“ მაჩვენებელია.

„ენერგოუსაფრთოხება, ენერგომომარაგება ეხება საქართველოს თითოეულ მოქალაქეს და ჩვენ არაფერი არ ვიცით ამ ხელშეკრულების შესახებ იმიტომ, რომ პირობები არის გასაიდუმლოებული. ეს არის ყოვლად დაუშვებელი,“ - განაცხადა თამარ ჩერგოლეიშვილმა.

მისივე თქმით, ტენდენცია ძალიან შემაშფოთებელია და საზოგადოებამ ყველაფერ უნდა გააკეთოს, რომ სიმწრით მოპოვებული საჩვენებელი ენერგოდამოუკიდებლობა არ ჩაიყაროს წყალში.

„ტენდენცია, თავისთავად, არის ძალიან შემაშფოთებელი და საზოგადოებამ ყველაფერი უნდა გააკეთოს იმისთვის, რომ ეს აღიკვეთოს და ესეთი სიმწრით მოპოვებული საჩვენებელი ენერგოდამოუკიდებლობა არ ჩაიყაროს წყალში,“ - აცხადებს თამარ ჩერგოლეიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო

კობახიძე - გაზის ტარიფთან დაკავშირებით გადაწყვეტილებას იღებს სემეკი