ევროკავშირის საბჭოს მუმდივ წარმომადგენელთა კომიტეტმა (Coreper) 13 დეკემბერს ევროპარლამენტთან მიღწეული შეთანხმება საქართველოს ვიზალიბერალიზაციის თაობაზე დაადასტურა, - ამის შესახებ ევროკავშირის საბჭოს ოფიციალურ ვებგევრდზე გამოქვეყნებულ განცხადებაშია ნათქვამი.

როგორც განცხადებაშია აღნიშნული, საქართველოს ვიზალიბერალიზაციისა და "შეჩერების ახალი მექანიზმის" ამოქმედება ერთდრიულად უნდა მოხდეს.

ერვოკავშირის საბშოს თავმჯდომარე ქვეყნის, სლოვაკეთის შინაგან საქმეთა მინისტრ რობერტ კალინიაკის განცხადებით, საბჭომ საქართველოს მოქალაქეებისთვის უვიზო რეჟიმის მინიჭებისადმი ძლიერი მხარდაჭერა აჩვენა.

"ვროკავშირის თავმჯდომარეს სჯერა, რომ სანდო რეფრმების გზა სწორია და უნდა იყოს წახალისებული. შეჩერების მექანიზმის ბოლო განახლებამ მოგვცა ახალი იმპულსი იმ ქვეყნებთან ვიზალიბერალიზაციის შესახებ მოლაპარაკებებში, რომლებმაც ყველა კრიტერიუმი დააკმაყოფილეს. ამავე დროს, შეჩერების მექანიზმის განახლებული ვერსია დაგვეხმარება, , რომ ეს ქვეყნები აღნშნულ კრიტერიუმებს კვლავ აკმაყოფილებდნენ", - განაცხადა კალინიაკმა.

ამასთან, როგორც ევროკავშირის საბჭოს განცხადებაშია აღნიშნული, მუმდივ წარმომადგენელთა კომიტეტის დადასტურების შემდეგ, რეგულაცია ევროპარლამენტს წარედგინება, სადაც პირველი მოსმენით კენჭისყრა გაიმართება, შემდეგ კი საბჭოს დასამტკიცებლად დაუბრუნდება.

არსებული ინფორმაციით, ევროპარლამენტის პლენარულ სესიაზე საქართველოს ვიზალიბერალიზაციის საკითხს სავარაუდოდ 2 თებერვალს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი