დოლიძემ პარლამენტს „საქართველოს სამხედრო ძალების რაოდენობის დამტკიცების შესახებ“ დოკუმენტი წარუდგინა

2016-12-16 16:45:47, 1004 ნახვა

პოლიტიკა

პრეზიდენტის საპარლამენტო მდივანმა ანა დოლიძემ პარლამენტს „2017 წლისათვის საქართველოს სამხედრო ძალების რაოდენობის დამტკიცების შესახებ" დოკუმენტი წარუდგინა

პრეზიდენტის ადმინისტრაციის პრესსამსახურის ინფორმაციით, ანა დოლიძემ პარლამენტის პლენარულ სხდომაზე საქართველოს ეროვნული უშიშროების საბჭოს მიერ მომზადებული დოკუმენტი წარადგინა, რომელიც „2017 წლისათვის საქართველოს სამხედრო ძალების რაოდენობის დამტკიცებას" ეხება.

ანა დოლიძის განცხადებით, საქართველოს ეროვნული უშიშროების საბჭოს მიერ მომზადებული დოკუმენტის მიხედვით, 2017 წელს სამხედრო ძალების რაოდენობა დადგინდა არაუმეტეს 37 000 ადამიანისა.

„მომვალ წელს სამხედრო ძალების რაოდენობა იგივე რჩება, რაც წელს იყო და არ იზრდება. ჩვენ საქართველოს პარლამენტის კეთილგანწყობის იმედი გვაქვს ", - განაცხადა ანა დოლიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან