2016-12-12 14:21:10, 1003 ნახვა
პოლიტიკა
“ეროვნული ბანკის შესახებ“ კანონში ცვლილებების შედეგად, საქართველოს პრეზიდენტი ბანკის ვიცე-პრეზიდენტებს ვეღარ წარადგენს
საქართველოს პარლამენტის თავმჯდომარის ირაკლი კობახიძის განცხადებით, კანონპროექტის ინიციატივა, რომლის მიხედვითაც, ეროვნული ბანკის ვიცე-პრეზიდენტს საქართველოს პრეზიდენტი ვეღარ დანიშნავს, თავად პრეზიდენტის ადმინისტრაციიდან წამოვიდა.
კობახიძის ინფორმაციით, ეროვნული ბანკის შესახებ კანონში ცვლილებები უკვე მომზადებულია.
"ეს კანონპროექტი მომზადებულია. ინიციატივა წამოვიდა პრეზიდენტის ადმინისტრაციიდან, გამომდინარე იქიდან, რომ პრეზიდენტის შესაბამისი უფლებამოსილება არ მოდიოდა შესაბამისობაში კონსტიტუციასთა. პრეზიდენტის ადმინისტრაციამ ჩვენ გვთხოვა ამ ხარვეზის გასწორება, აქედან გამომდინარე შემუშავდა ეს კანონპროექტი", - განაცხადა კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
