არ მიმაჩნია სწორად საკონსტიტუციო კომისიაში პრეზიდენტის ინსტიტუტის იგნორირება, - ამის შესახებ პარლამენტის ვიცე-სპიკერმა ირმა ინაშვილმა ჟურნალისტებს განუცხადა.

მისი თქმით, როდესაც იქმნება საკონსტიტუციო კომისია, აუცილებელია კომისიაში ფართო სპექტრი იყოს წარმოდგენილი.

„პრეზიდენტის ინსტიტუტი უნდა მონაწილეობდეს კომისიის მუშაობაში. თუ კონკრეტულად პრეზიდენტი  - არა,  მისი რომელიმე წარმომადგენელი მაინც. არ მგონია, რომ რაიმე საფრთხის შემცველია, ან რაიმე პრობლემებს შექმნიდა პრეზიდენტის მონაწილეობა“, - განაცხადა ირმა ინაშვილმა.

ინაშვილის განცხაებით პრეზიდენტის არჩევის წესთან დაკავშირებით, უმრავლესობის მხრიდან მეტი არგუმენტია საჭირო იმის დასამტკიცებლად, რომ პრეზიდენტი პარლამენტმა და არა ხალხმა უნდა აირჩიოს.

„წინასწარ ცნობილია რამდენიმე საკითხი, რაზეც ამ კომისიამ უნდა იმსჯელოს და შეისწავლოს. ერთ-ერთი ეხება პრეზიდენტის არჩევის საკითხს. ამასთან მიმართებაში ჩვენ კითხვები გვაქვს. მეტი არგუმენტები გვჭირდება უმრავლესობის მხრიდან, რატომ უნდა აირჩიოს პრეზიდენტი პარლამენტმა და არა ხალხმა. იმიტომ იქნება ეს კომისია, რომ დაისვას შეკითხვები, გაიმართოს დისკუსია და ამ დისკუსიის ფარგლებში ყველა უნდა მონაწილეობდეს“, - აღნიშნა ირმა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას