2016-12-03 11:09:36, 736 ნახვა
საზოგადოება
თბილისი-თელეთის გაზიფიცირება დასრულდა
კრწანისის რაიონის გამგეობის ინფორმაციით, თბილისი-თელეთის დასახლება გაზიფიცირებულია.
შესრულებულ სამუშაოებს ადგილზე კრწანისის მაჟორიტარი პარლამენტში და კრწანისის გამგებელი გაეცნენ. ბექა ოდიშარია და გიორგი კოპალეიშვილი ადგილობრივ მოსახლეობასაც შეხვდნენ. დასახლებაში მცხოვრებლებს ბუნებრივი აირი უკვე მიეწოდებათ.
კრწანისის გამგეობის დაფინანსებით, თბილისი-თელეთის დასახლების გაზიფიცირება წლის დასაწყისში დაიწყო. პროექტი, რომელიც 100-ზე მეტ ოჯახს ბუნებრივი აირით უზრუნველყოფს, კომპანია „ყაზტრანსგაზ-თბილის”-მა განახორციელა.
გაზის ცენტრალური ქსელის მოწყობისთვის ადგილობრივი ბიუჯეტიდან 93 ათასი ლარი დაიხარჯა.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
