მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო

2026-10-29 13:31:58, 484 ნახვა

სამართალი

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო

მოსამართლეთა კორუმპირებულობის შესახებ, გაკეთებული განცხადების გამო, „კოალიცია ცვლილებისთვის“ მომხსენებელს ნიკა გვარამიას სიტყვა შეაწყვეტინა, საკონსტიტუციო სასამართლოს თავმჯდომარემ რევაზ ნადარაიამ. ნადარაია აგრესიული გახდა და გვარამიას ყვირილი დაუწყო. მან თქვა, რომ რომ სასამართლო მოწყობასთან დაკავშირებით მისი აზრები სხდომაზე აღარ განევრცო.

„ვეტინგის პროცედურა, არ ვიცი, რა მიზნით იყო მოსარჩელის მიერ ნახსენები, როგორც ერთ-ერთი მაგალითი კონსტიტუციურ წესრიგზე თავდასხმის. ჩემთვის ეს გაუგებარია სრულიად. კი, კორუმპირებული მოსამართლეები უნდა იქნენ გაშვებული სისტემიდან. თქვენ არ ეთანხმებით, რომ კორუმპირებული მოსამართლეები სისტემიდან უნდა იყვნენ გაშვებულები?

მე ვთქვი, რომ არ შეიძლება, კორუმპირებული მოსამართლე იყოს სისტემაში და მე მგონი, ორჯერ ორი ოთხია. ვეტინგის მიზანია, რომ დაადგინოს თუ არიან ასეთი მოსამართლეები და თუ არიან - გაუშვას. ეს არის ვეტინგის პროცედურა და ეს ხდება საქართველოს კანონმდებლობის საფუძველზე, თუმცა ამას დასჭირდება, სავარაუდოდ, კონსტიტუციური ცვლილებები და კონსტიტუციური პროცედურების გარეშე ან საპარლამენტო საკანონმდებლო პროცედურების გარეშე, ამას ვერც და არც აპირებს არავინ და ეს არის გაუგებარი, როგორ არის ეს თავდასხმა კონსტიტუციურ წესრიგზე. ვეტინგი სხვა არაფერია თუ არა თავდასხმა კორუფციაზე, რაც, იმედია, რომ ჯერ კიდევ ლეგიტიმურ ამოცანად მიაჩნია „ქართულ ოცნებას“,- განაცხადა გვარამიამ.

გვარამიას სიტყვა შეაწყვეტინა მოსამართლე ნადარაიამ

"მე მოსამართლეების კორუმპირებულების შესახებ ინფორმაცია არ მაქვს. საკითხს აყენებთ პროვოკაციულად და ნუ გასცდებით! პირველ რიგში, სასამართლო სისტემას ეცით პატივი! სასამართლო სისტემა მოიცავს როგორც საკონსტიტუციო სასამართლოს, ისე საერთო სასამართლოებს და ეცით ორივეს პატივი! გასაგებია, თქვენი პოზიცია იმასთან დაკავშირებით, რომ ვეტინგის მოთხოვნა, თუ სასამართლო სისტემის რეფორმა, მიგაჩნიათ, რომ არ არის კონსტიტუციის საწინააღმდეგო. ახლა შესვლა იმაში, თქვენ რა შეხედულებები გაქვთ სასამართლო სისტემის მოწყობასთან დაკავშირებით, სხვაგან ილაპარაკეთ ამასთან დაკავშირებით. ეს თქვენი შეხედულებაა უკვე,“- განაცხადა მოსამართლე ნადარაიამ.