საქართველოს პირველმა ლედიმ მაკა ჩიჩუამ ქალთა მიმართ ძალადობის აღმოფხვრის საერთაშორისო დღისადმი მიძღვნილ დოკუმენტურ სპექტაკლში „შვიდი" მიიღო მონაწილეობა, რომელიც  ქალთა უფლებების შესახებ პიესების კრებულს წარმოადგენდა.

„დღევანდელი პიესის კითხვა ეძღვნება ქალთა მიმართ ძალადობის წინააღმდეგ ბრძოლას. პერსონაჟები ის ქალები არიან, რომლებმაც თავი დააღწიეს ამ მძიმე ხვედრს. ქალები სხვადასხვა ქვეყნებიდან, რომლებიც შემდეგ თავად გახდნენ მებრძოლები სხვა ქალების დასახმარებლად და  რომლებსაც საკმაოდ ეფექტურად გამოუვიდათ ეს საქმე. არაჩვეულებრივი ქალები, რომელთა გამომეტყველებაც კი ძალიან კარგად ასახავს იმ მდგომარეობას, საიდანაც ისინი გამოვიდნენ", - აღნიშნა მაკა ჩიჩუამ.

სპექტაკლი კოტე მარჯანიშვილის სახელობის სახელმწიფო დრამატულ თეატრში გაიმართა და მასში მონაწილეობა  სხვადასხვა სფეროში მოღვაწე ცნობილმა ქალბატონებმაც მიიღეს.

პროექტის ორგანიზატორები არიან არასამთავრობო ორგანიზაცია „ქალთა ფონდი საქართველოში", შვედეთის ინსტიტუტი და შვედეთის სამეფოს საელჩო საქართველოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა