ევროკავშირის საგარეო და უსაფრთხოების პოლიტიკის უმაღლესი წარმომადგენელი, ევროკომისიის ვიცეპრეზიდენტი ფედერიკა მოგერინი ქალთა მიმართ ძალადობის აღმოფხვრის საერთაშორისო დღესთან დაკავშირებით განცხადებას ავრცელებს.

როგორც განცხადებაში ევროკომისიის ვიცეპრეზიდენტი აღნიშნავს, ევროკავშირი მთელ მსოფლიოში ახორციელებს სპეციალური პროექტებს, რომელთა ნაწილი 2016–2020 წლების ევროკავშირის გენდერული სამოქმედო გეგმითაა გათვალისწინებული. მისივე განცხადებით, პოლიტიკოსებს უდიდესი პასუხისმგებლობა აკისრიათ ქალების დაცვასა და საზოგადოების გათვითცნობიერებულობის გაზრდაში

"ქალთა მიმართ ძალადობის აღმოფხვრის საერთაშორისო დღის აღვნიშვნით ჩვენი საზოგადოების მარცხს ვაღიარებთ ხოლმე. მთელს მსოფლიოში ქალები და გოგონები  არიან ძალადობის სამიზნე  – ეს ხდება ოჯახში, სამსახურში და საზოგადოებაში. ამ თვალსაზრისით არც ევროკავშია გამონაკლისი, პირიქით, გამოიკვეთ ძალზე შემაშფოთებელი ტენდენცია, რომელიც სრულიად საპირისპიროა შედეგისა, რაც მიღწეული გვეგონა. ქალები უდიდეს ტკივილს განიცდიან და ძალიან ხშირად ამ ტკივილთან გამკლავება  მარტო უწევთ. ქალთა მიმართ ძალადობა მთელი საზოგადოების მიმართ ძალადობის ტოლფასია, ამიტომ მთელმა საზოგადოებამ უნდა იმოქმედოს და ეს მოქმედება მამაკაცებმა უნდა დაიწყონ.

ჩვენ, პოლიტიკის შემქმნელებს, უდიდესი პასუხისმგებლობა გვაკისრია ქალების დაცვაში და საზოგადოების გათვითცნობიერებულობის გაზრდაში: ევროკავშირი მთელს მსოფლიოში ახორციელებს სპეციალური პროექტებს, რომელთა ნაწილი 2016–2020 წლების ევროკავშირის გენდერული სამოქმედო გეგმითაა გათვალისწინებული. მაგალითად,  ვეხმარებით ახალგაზრდა გოგონებს, უარი თქვან იძულებით გათხოვებაზე,  ვმუშაობთ ოჯახებთან და ადგილობრივ ლიდერებთან, რომლებიც ქალების წინდაცვეთის წინააღმდეგ გამოდიაგა. ვეხმარებით იმ გზავნილის გავრცელებაში, რომ ქალზე ძალადობა მამაკაცის სისუსტეა და არა მისი სიძლიერე.

ეს ბრძოლა პირველ რიგში კულტურული ბრძოლაა, რომელიც ყველაფერს მოიცავს და მედისა ამ ბრძოლაში ძალიან მნიშვნელოვანი როლი აისრია. თვითკმაყოფილების არავითარი საფუძველი არ გვაქვს. როდესაც გენდერული ნიშნით ძალადობას ეხება და ერთადერთი სიტყვა, რომელიც ამ ქმედების ჩამდენს შეესაბამება არის ,,დამნაშავე.“  დემნაშავეა ის, ვინც გოგონებს და ქალებს ართმევს სწავლის, მუშაობის, პარტნიორის არჩევის თუ მიტოვების უფლებას. დამნაშავეა ის, ვინც მათ თავისუფლებას ართმევს", - აღნიშნულია ფედერიკა მოგერინის განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა