2016-11-24 14:35:21, 608 ნახვა
საზოგადოება
პრეზიდენტმა ვლადიმერ ხინჩეგაშვილი და ლაშა ტალახაძე ბრწყინვალების ორდენით დააჯილდოვა
საქართველოს პრეზიდენტმა რიო 2016-ის ზაფხულის ოლიმპიური თამაშების ჩემპიონები თავისუფალი სტილის ჭიდაობაში და ძალოსნობაში ვლადიმერ ხინჩეგაშვილი და ლაშა ტალახაძე ქართული სპორტის საერთაშორისო ავტორიტეტის ამაღლებისა და საქართველოს წინაშე აღმატებული ღვაწლისათვის ბრწყინვალების საპრეზიდენტო ორდენით დააჯილდოვა.
ჯილდოები სპორტსმენებს დღეს პრეზიდენტის ადმინისტრაციის უფროსმა გიორგი აბაშიშვილმა საქართველოს ეროვნული ოლიმპიური კომიტეტის შტაბბინაში XXXI ოლიმპიური თამაშების ჩემპიონების ვლადიმერ ხინჩეგაშვილისა და ლაშა ტალახაძის სახელობითი ვარსკვლავების საზეიმო გახსნაზე გადასცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
