მწვანე ქალაქში ბინის შესაძენად მინიმალური დანაზოგიც საკმარისია.  თიბისი ბანკის იპოთეკური სესხით ლისზე ბინის ყიდვა მხოლოდ 10 %-იანი თანამონაწილეობით არის შესაძლებელი.

მწვანე ქალაქი ერთადერთი საცხოვრებელი კომპლექსია თბილისში, სადაც განაშენიანებული ტერიტორიის 80% მწვანე საფარს და დამატებით ინფრასტრუქტურას ეთმობა,  დანარჩენი 20% კი - საცხოვრებელ სახლებს, რომელთა შორის არის დუპლექსი, თაუნჰაუსები და ვილები. თითქმის ყველა საცხოვრებელი ფართიდან თბილისის პანორამული ხედი იშლება.

„ჩვენთვის მნიშვნელოვანია, რომ დავნერგოთ ახალი, ჯანსაღი ცხოვრების სტილი საქართველოში. ჩვენ ვთავაზობთ არა მარტო კომფორტს, უმაღლეს ხარისხსა და სერვისს, არამედ სიმშვიდეს, სიმწვანეს, ეკოლოგიურად სუფთა გარემოს. ოჯახებს, ვისთვისაც ცხოვრების ჯანსაღი წესი პრიორიტეტულია, ჩვენთან საუკეთესო არჩევანის გაკეთება შეუძლიათ," - აცხადებს ნოდარ ადეიშვილი, „ლისი დეველოპმენტის" გენერალური დირექტორი.

აქ უკვე ფუნქციონირებს საბავშვო ბაღი, ორი აკადემია (გ.ზალდასტანიშვილის სახელობის ქართულ-ამერიკული აკადემია და ბრიტანულ-ქართული აკადემია); აქვეა ლისის ტბის რეკრეაციული ზონა,  გოგირდის აბანო, სავარჯიშო დარბაზი და აუზი. პროექტი 400 ჰა მიწის ფართობზე ხორციელდება, უკვე დასრულებულია პირველი უბანი და მიმდინარეობს მეორე უბნის მშენებლობა.

მწვანე ქალაქი ლისზე უკვე ზედიზედ რამდენიმე წელია მსოფლიოში უძრავი ქონების სფეროში არსებული ყველაზე პრესტიჟული დაჯილდოების International Property Award-ის გამარჯვებულია სხვადასხვა ნომინაციაში.

 „მსესხებელი, ვინც ბინის ღირებულების პირველად შენატანს 10 %-ს გადაიხდის, დანარჩენს ჩვენგან მიიღებს იპოთეკური სესხის სახით. ნებისმიერ მსურველს შეუძლია მოვიდეს ჩვენს იპოთეკურ ცენტრში, მასზე მორგებული პირობებით შეიძინოს ბინა და აიღოს იპოთეკური სესხი", - აცხადებს ნინო ყაჭეიშვილი, თიბისი ბანკის საცალო სესხების განყოფილების უფროსი.

თიბისი ბანკი მსესხებლის შემოსავლის შესწავლას გამარტივებული წესით მოახდენს.  სიახლეა არარეზიდენტი პირების შემთხვევაშიც, მათთვის სესხის ვადა 60 თვემდე გახანგრძლივდება.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Visa+ საქართველოში - თიბისი და Visa საერთაშორისო გადარიცხვებს ამარტივებენ

ჩვენი სახელით სესხს სთავაზობენ - ეროვნული ბანკი მოქალაქეებს აფრთხილებს

გვარამიამ ითხოვა, დადგინდეს ომის დაწყებაზე რა პოზიცია აქვს ხელისუფლებას საერთაშორისო დონეზე - საკონსტიტუციომ არ დააკმაყოფილა

თიბისი კონცეპტის მომხმარებლებს პრაიმ ანაბარის გახსნა უკვე მობაილბანკიდან შეგიძლიათ