თავდაცვისა და უშიშროების კომიტეტმა 2017 წლის სახელმწიფო ბიუჯეტის პროექტს მხარი დაუჭირა.

ბიუჯეტის პროექტის პირველადი ვარიანტი კომიტეტმა დღეს განიხილა.

ძირითადი ფინანსური დოკუმენტის პროექტის თანახმად, სახელმწიფო ბიუჯეტის საგადასახადო შემოსავლების საპროგნოზო მაჩვენებელი 8 170.0 მლნ ლარით განისაზღვრა, რაც მშპ-ს 22.3%-ს შეადგენს, გრანტების საპროგნოზო მაჩვენებელი 265 მლნ, ხოლო სხვა შემოსავლებში 280.0 მლნ ლარია გათვალისწინებული. მთლიანობაში სახელმწიფო ბიუჯეტის ასიგნებები 10 555.0 მლნ ლარით განისაზღვრა, რომელშიც საბიუჯეტო სახსრები 9 520.0 მლნ ლარს შეადგენს.

ბიუჯეტის პროექტის თანახმად მხარჯავ დაწესებულებების მიხედვით ყველაზე დიდი თანხის ოდენობა ჯანდავის სამინისტროზე მოდის, რომელიც მთლიანი ბიუჯეტის 31.5% შეადგენს. რაც შეეხება ძალოვან სტრუქტურებს - თავდაცვის სამინისტრო 743.2 მლნ ლარით, შსს 585.0 მლნ ლარით და სახელმწიფოს უსაფრთხოების სამსახური 110.0 ლარით დაფინანსდება.

კომიტეტის სხდომაზე წარდგენილი ბიუჯეტის პროექტი ხელახალი გადამუშავებისთვის ფინანსთა სამინისტროს დაუბრუნდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო