2016-10-11 14:56:09, 755 ნახვა

---

პრეზიდენტი „ქართულ ოცნებას“ მოუწოდებს, მეორე ტურზე და საარჩევნო დაპირებების შესრულებაზე კონცენტრირდეს

მმართველ გუნდში   კონსტიტუციაში პრეზიდენტის არჩევის წესის  შეცვლაზე ალაპარაკდნენ, რომელიც სახელმწიფოს მეთაურის არა ხალხის,  არამედ პარლამენტის მიერ არჩევას გულისხმობს.

აღნიშნულ საკითხს პრეზიდენტის პრესსპიკერი ეკა მიშველაძე გამოეხმაურა.

მისი თქმით, პრეზიდენტი მოუწოდებს „ქართულ ოცნებას“ მეორე ტურზე და საარჩევნო დაპირებების შესრულებაზე კონცენტრირდეს:

„ისეთზე, როგორიც არის სოციალური ვალდებულების შესრულება, დასაქმების  საკითხი, ეკონომიკური გაჯანსაღება, ახალი პროექტების შექმნა, კონცენტრირდნენ პირველ რიგში ხალხზე, ხოლო პრეზიდენტი გააგრძელებს სამი წლის წინ ქვეყნისა და ხალხის წინაშე დადებული ფიცის შესრულებას, რაც გულისხმობს რომ დაიცავს საქართველოს კონსტიტუციას, გააგრძელებს მოქალაქეთა უსაფრთხოებასა და კეთილდღეობაზე ზრუნვას“,-განაცხადა მიშველაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი