საქართველოს პოლიტიკურ პარტიებს შორის უნდობლობა. საფრთხეს უქმნის საქართველოს დემოკრატიული განვითარების გზას, - ამის შესახებ ორგანიზაცია საერთაშორისო რესპუბლიკური ინსტიტუტის (IRI წამრომადგენლებმა პრესკონფერენციაზე განაცხადეს.

ორგანიზაციის წარმომადგენლების განცხადებით, პოლიტიკური პარტიების წარმომადგენლებსა და კანდიდატებთან შეხვედრების დროს წინასაარჩევნო პერიოდში დამკვირვებლებმა მოისმინეს არა ერთი ბრალდება თითოეული მხარისგან ერთმანეთისგან მისამართით, რამაც მათივე განმარტებით, შიში და უნდობლობა შექმნა პოლიტიკური პარტიების წევრებსა და ამომრჩევლებს შორის წინასაარჩევნო პერიოდში.

"ქვემოთ მოყვანილი ქმედებები წამყვანი პოლიტიკური პარტიების მხრიდან გამოყენებულ იქნა ერთმანეთის საარჩევნო კამპანიის შეფერხებისთვის, ეს ქმედებებია: კამპანიისთვის ადმინისტრაციული რესურსის ბოროტად გამოყენება, საარჩევნო უბნების კონკრეტული პოლიტიკური ძალის სასარგებლოდ დაკომპლექტება, ადგილობრივი არასამთავრობო ორგანიზაციების პარტიული მიზნებისთვის გამოყენება, ბრალდებები არჩევნების დღის ჩაშლის გეგმასთან დაკავშირებით ამომრჩეველს უნდობლად განაწყობს, საარჩევნო სისტემისა და არჩევნების გამჭირვალობის მიმართ. პარტიების მხრიდან ასეთი პრაქტიკის გაგრძელება საფრთხის ქვეშ აყენებს ქართველი ხალხის დამოკიდებულებას დემოკრატიასთან მიმართებაში", - აცხადებენ ორგანიზაციაში.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო