ე.წ. მშვიდობის მემორანდუმი არის წინასაარჩევნო ტრიუკი და მეტი არაფერი, - ამის შესახებ პარტია „ახალი საქართველოს“  წევრმა, გიორგი ვაშაძემ "ექსპრესნიუსს" განუცხადა.

როგორც ვაშაძემ აღნიშნა, ხელისუფლების მხრიდან მემორანდუმის ინიცირება სასაცილოა.

"სამართალდამცავ ორგანოებს არაფერი უშლის ხელს, რომ რეაგირება მოახდინონ კონკრეტულ სამართალდარღვევის ფაქტებზე, რომელიც წინასაარჩევნო სივრცეში ხდება, ამიტომ ხელისუფლების მხრიდან მემორანდუმის ინიცირება არჩევნების პროცესისთვის სასაცილოა. ერთის მხრივ სამართალდამცავ ორგანოებს იყენებენ საკუთარი ინტერესებისთვის და მეორეს მხრივ მემორანდუმს გვთავაზობენ ჩვენ. ამ მემორანდუმს არ აქვს არავითარი სამართლებრივი და იურიდიული ძალა, შესაბამისად არ ვფიქრობთ, რომ ხელი უნდა მოვაწეროთ", - განაცხადა ვაშაძემ.

მისივე თქმით, უკეთესი იქნება, ხელისუფლებამ საკუთარი ინტერესების დაცვის ნაცვლად, საქმე აკეთოს.

"სამართალდამცავებმა ხელისუფლების ინტერესები კი არ დაიცვან, არამედ დაიცვან წესრიგი და რეაგირება მოახდინონ დარღვევებზე, ამის შემდეგ ყველაფერი დალაგდება", - აღნიშნა მან.

შეგახსენებთ, „ქართულმა ოცნებამ“ ე.წ. მშვიდობის მემორანდუმი გაასაჯაროვა:

„ჩვენ, ქვემორე ხელმომწერი 2016 წლის 8 ოქტომბრის საპარლამენტო არჩევნების მონაწილე საარჩევნო სუბიექტები, ვაცნობიერებთ რა, რომ არჩევნების მშვიდობიანად ჩატარება არის საქართველოში დემოკრატიის განვითარებისა და პოლიტიკური სისტემის კონსოლიდაციის აუცილებელი პირობა, ვაცნობიერებთ რა, რომ საარჩევნო სუბიექტის მიერ სხვა საარჩევნო სუბიექტის წინააღმდეგ კონტრაქციის მოწყობა ქმნის ძალადობის პროვოცირების განსაკუთრებულ საფრთხეს, ვთანხმდებით, რომ უზრუნველვყოფთ ჩვენი აქტივისტების დისტანცირებას სხვა საარჩევნო სუბიექტის მიერ ან მის მხარდასაჭერად გამართული აქციისგან, შეხვედრისგან ან სხვა მსგავსი სახის ღონისძიებისგან და მივიღებთ ყველა ზომას, რათა არ დავუშვათ ჩვენი აქტივისტების მიერ სხვა საარჩევნო სუბიექტის მიერ გამართული ღონისძიების ხელშეშლა. წინამდებარე შეთანხმება ვრცელდება მთელ საარჩევნო პერიოდზე, არჩევნების საბოლოო შემაჯამებელი ოქმის გამოქვეყნებამდე“, - ნათქვამია მემორანდუმში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა