პარტია „ნაციონალური მოძრაობის“ წევრის ნუგზარ წიკლაურის განცხადებით, ჭელას მინარეთის პრობლემა ამჟამინდელი ხელისუფლების პერიოდში სახელმწიფო სტრუქტურების ტლანქი მოქმედებების შედეგად წარმოიშვა.

ამასთან, „ექსპრესნიუსთან“ საუბრისას წიკლაურმა აღნიშნა, რომ ივანიშვილს სურს დღეს არსებული ყველა პრობლემა ოპონენტებს გადააბრალოს.

„რა კავშირშია „ნაციონალურ მოძრობასთან“ ჭელას მინარეთის საკითხი გაუგებარია.  ეს კიდევ ერთხელ ადასტურებს, რომ ივანიშვილს სურს, ყველაფერი სხვას გადააბრალოს. რეალურად, ყველამ ვიცით თუ როდის წარმოიშვა ეს პრობლემა, ეს მოხდა სახელმწიფო სტრუქტურების ტლანქი მოქმედებების შედეგად. ეს ის პერიოდია, როდესაც რელიგიურ ნიადაგზე სხვა სოფლებსა და ქალაქებშიც მსგავსი დაპირისპირებები მოხდა. ეს ყოველივე კი დაკავშირებულია იმ მმართველობასთან, რომელიც დღეს საქართველოშია. გადაბრალა სხვაზე, მით უმეტეს, ისეთ ხელისუფლებაზე, რომლის დროსაც საქართველოს მოქალაქეობა ქვეყნის უპირველესი პრიორიტეტი გახდა  და არა რელიგიური და ეთნიკური ნიშნით გამორჩევა, კიდევ ერთხელ მიუთითებს, რომ ივანიშვილის გუნდის მთელი სტრატეგია დღეს არსებული პრობლემების სხვისთვის გადაბრალებაა“, - განაცხადა წიკლაურმა.

შეგახსენებთ, რომ დღეს სამცხე-ჯავახეთში მედიასთან შეხვედრისას ყოფილმა პრემიერმა ბიძინა ივანიშვილმა აღნიშნა, რომ ჭელას მინარეთთან დაკავშირებით არსებული დაპირისპირება „ნაციონალური მოძრაობის“ მიერ იყო პროვოცირებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო