პაატა ბურჭულაძის მოწმის სახით დაბარება იყო გამოკითხვა გამოკითხვისთვის და არა რეალური გამოძიება, - ამის შესახებ მოძრაობის "სახელმწიფო ხალხისთვის" წევრმა, დავით ჯანდიერმა დღეს გამართულ პრესკონფერენციაზე ბლოკის ლიდერის დაკითხვასთან დაკავშირებით განაცხადა.

როგორც ჯანდიერმა აღნიშნა, დაკითხვა საქმის ეფექტიან გამოძიებას არ ემსახურებოდა.

„14 სექტემბერს გავხდით მწარე რეალობის მომსწრე. მრავალგზის დაპირებები იმის შესახებ, რომ მოქალაქეების პირადი ცხოვრება იქნებოდა დაცული, რომ უკანონო საუბრებს არ მოვისმენდით, აღმოჩნდა სიცრუე. 14 სექტემბერს გამოქვეყნდა უკანონო ჩანაწერი პაატა ბურჭულაძესა და „რუსთავი 2“-ის გენერალურ დირექტორს ნიკა გვარამიას შორის და ყველაზე ტრაგიკული ამ შემთხვევაში იყო ის, რომ ხელისუფლების წარმომადგენლები, მათ შორის მმართველები აქცენტს აკეთებდნენ არა უკანონობაზე, არამედ საუბრის შინაარსზე. ამ საკითხთან დაკავშირებით შსს-ში მოწმის სახით დაიბარეს პაატა ბურჭულაძე. ეს იყო ფორმალობა და არ ემსახურებოდა საქმის ეფექტიან გამოძიებას. გამოძიებას არ დაუსვამს არც ერთი შეკითხვა, რაზეც თავად არ შეიძლებოდა ჰქონოდა პასუხი. მან დასვა მხოლოდ ის შეკითხვები, რომლის შესახებაც პაატა ბურჭულაძეს სატელევიზიო ეთერში ჰქონდა საუბარი“, - განაცხადა დავით ჯანდიერმა.

ამასთან, მისივე განცხადებით, ამ საქმის უკან სუს-ი დგას.

„ეს იყო გამოკითხვა გამოკითხვისთვის და არა რეალური გამოძიება. რამდენიმე თვის წინ საკონსტიტუციო სასამართლომ მიიღო გადაწყვეტილება, რომლითაც ევროპულ სტანდარტებთან, კერძოდ, ევროკონვენციის მერვე მუხლთან და ადამიანის უფლებათა ევროპული სასამართლოს პრეცედენტულ სამართალთან, პირადი და საოჯახო ცხოვრების პატივისცემასთან მიმართებაში, არაკონსტიტუციურად და შეუსაბამოდ იქნა ცნობილი ის საკანონმდებლო ცვლილები, რომლებიც ამ ხელისუფლების პირობებში იქნა მიღებული, რომლებიც გაგრძელებაა იმ მოსამენების, რომელსაც წინა ხელისუფლების პირობებში ჰქონდა ადგილი. რაც იძლევა ტექნიკურ შესაძლებლობას უსაფრთხოების სამსახურისთვის ე.წ. ოტო დეპარტამენტისთვის მოსამართლის სანქციის გარეშე მიაყურადოს ერთდორულად ათასობით აბონენტს. ჩვენ ვერ ვიქნებით უსაფრთხოების სამსახურის კეთილსინდისიერების იმედად, რომ ისინი მხოლოდ სასამართლოს მეშვეობით მოახდენენ მიყურადებას იმ პირობებში, როდესაც მათ აქვთ ტექნიკურად იმის განხორციელების შესაძლებობა, რომ უსმენდნენ ათასობით აბონენტს და ხელისუფლებას არ აქვს სურვილი შეცვალოს ეს მანკიერი პრაქტიკა“, - განაცხადა დავით ჯანდიერმა.

შეგახსენებთ, რომ 16 სექტემბერს ბლოკი "სახელმწიფო ხალხისთვის" ლიდერი პაატა ბურჭულაძე და "რუსთავი-2"-ის გენერალური დირექტორი ნიკა გვარამია შსს-ში დაკითხვაზე მოწმის სახით დაიბარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა