რეგიონული განვითარებისა და ინფრასტრუქტურის მინისტრის, ნოდარ ჯავახიშვილის შეფასებით, ყველა საგაზო ინფრასტრუქტურული პროექტი წინასწარ განსაზღვრულ  დროში  სრულდება.

ამის შესახებ ჯავახიშვილმა ჟურნალისტებს ოპონენტების კრიტიკასთან დაკავშირებით განუცხადა, რომლის მიხედვითაც, ინფრასტრუქტურული სამუშაოების შესრულების ტემპები შენელებულია.

ჯავახიშვილი მათ ოპონენტების ნაცვლად,  „კრიტიკანტებს“ უწოდებს და ბრალდებებს უარყოფს:

"ისინი არ არიან ოპონენტები, ისინი არიან კრიტიკანტები, თუ გგონიათ, რომ რომან გოცირიძე ვინმეს ოპონენტია, ძალიან ტყუილად ფიქრობთ მაგას. ტემპების დასანახად თქვენ ყველანი ყოველთვის მიწვეულები ხართ ხოლმე და ყველა მონაკვეთის გახსნაზე ყველას გხედავთ ხოლმე. კიდევ ერთხელ უნდა აჩვენოთ ე.წ. ოპონენტებს, როცა აკეთებენ განცხადებას ხაშურამდე გზა ვერ გაგვიყვანიაო, ყველა იქ იყავით, როცა გავხსენით ხაშურამდე გზა. ანუ ტემპები გათვლილია და ყველაფერი დროში ვგაწერილია, დაწყებული იქიდან, რა პერიოდი სჭირდება წინასაპროექტო დოკუმენტაციის მომზადებას, რა დრო სჭირდება საპროექტო დოკუმენტაციის მომზადებას, ტენდერებს, რა დრო სჭირდება თვითონ მშენებლობას. ერთადერთი, რაც წელს მოგვივიდა, ივლისში ვერ გავხსენით ორი ხაზი ზესტაფონისა, ეს სულ სხვა რამესთან იყო დაკავშირებული, სხვა ყველა პირობა პირნათლად სრულდება,ზესტაფონი-ქუთაისის შემოვლით გზას წლის ბოლოს გავხსნით, როგორც შეპირებული იყო",-განაცხადა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა