საქართველოს გააჩნია რესურსი, რომ გახდეს ეკონომიკურად მიმზიდველი და დიდი შესაძლებლობების მქონე ქვეყანა, რისთვისაც საჭიროა მისი არსებული მდგომარეობის რაციონალური გააზრება და სწორი სივრცითი დაგეგმვა და განვითარება, - ამის შესახებ საქართველოს პრემიერ-მინისტრმა გიორგი კვირიკაშვილმა სივრცითი მოწყობის პროექტის პრეზენტაციის დროს განაცხადა.

პრემიერის თქმით, მიუხედავად გეოგრაფიული მდებარეობისა, მოსახლეობას უნდა შეუქმნან თანაბარი პირობები, იმისთვის, რომ ხალხი მთას დაუბრუნდეს.

"ყველა რეგიონის მოსახლეობისთვის, თანამბრად ხელმისაწვდომი უნდა გახდეს, ისეთი სერვისები, როგორიც არის ხარისხიანი განათლება, ჯანდაცვა და სოციუალური ინფრასტრუქტურა. ხელი უნდა შეეწყოს მოსახლეობის დასაქმებას მშობლიურ რეგიონებში. ტურისტებს რა თქმა უნდა შეფერხების გარეშე უნდა შეეძლოთ ჩასვლა ნებისმიერ რეგიონში და საქართველოს ყველა რეგიონი უნდა გადავაქციოთ 4 სეზონიან საკურორტო მიმართულებათ. ამის მიღწევა შესაძლებელია მსოფლიოს მოწინავე ქვეყნებში აპრობირებული გზით, ინსტრუმენტით, რომელსაც ქვეყნის სივრცითი მოწყობა ჰქვია", - განაცხადა პრემიერმა.

როგორც გიორგი კვირიკაშვილმა აღნიშნა, უახლოეს 4 წელიწადში საქართველოში 1 000 კმ-მდე საავტომობილო გზის მშენებლობა-რეკონსტრუქცია იგეგმება, რასაც ქვეყნის სივრცითი მოწყობის პროექტი ითვალისწინებს.

"სივრცითი მოწყობის ფუნქცია გახლავთ, უზრუნველყოს სივრცის რაციონალური, მდგრადი და დაბალანსებული გეგმა. ამ ინსტრუმენტის საშუალებით იქნება შესაძლებელი ქვეყნის ეკონომიკური, სოციალური და ეკოლოგიური სარგებლის მიღება, ინვესტიციისა და განვითარებისთვის უფრო სტაბილური და გათვლადი პირობების შედგენა, რაც თავის მხრივ განვითარების გარანტიას აძლევს ადგილობრივ მოსახლეობას და ხელს უწყობს მიწისა და ბუნებრივი რესურსების გონივრულ, რაციონალურ გამოყენებას. კომპლექსური მიდგომით, საზოგადოების მაქსიმალური ჩართულობით და ანალიზის საფუძველზე ყალიბდება ხედვა, მოკლე, საშუალო და გრძელვადიანი სტრატეგიული სამოქმედო გეგმები დემოგრაფიის, სოფლის მეურნეობის, ინსუდტრიის, ტურიზმის, ინფრასტრუქტურის, გარემოს დაცვის, ტექნოლოგიების, განათლების და საქართველოს რეგიონების სპეციფიკის გათვალისწინებით", - აღნიშნა კვირიკაშვილმა.

ამასთან, პრემიერის ინფორმაციით, უცხოელი ექსპერტების ჩართულობით სივრცითი მოწყობის მიმართულებით მუშაობა უკვე მიმდინარეობს.

მანვე აღნიშნა, რომ საქართველოს მთავრობა უკვე მუშაობს ქვეყნის სივრცითი მოწყობის სქემის შექმნაზე და ამ რეფორმის ფარგლებში უნდა შეიქმნას ახალი სატრანსპორტო არტერიები.

კვირიკაშვილის განცხადებით, იგეგმება 550 კმ ავტომაგისტრალის მშენებლობა, ასევე, 800 კმ-მდე გზის რეაბილიტაცია. გარდა ამისა,  იგეგმება 300-მდე სახიდე გადასასვლელის და 50 საავტომობილო გვირაბის მშენებლობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა