„თოფაძე, მრეწველები-ჩვენი სამშობლო“ ცესკოს თავმჯდომარეს მოუწოდებს განცხადება გააკეთოს, თუ ვისი ზეწოლით მოხსნა მათი პარტია საარჩევნო რეგისტრაციიდან.

როგორც დღეს პარტიის ერთ-ერთმა ლიდერმა, ზურაბ ტყემალაძემ გამართულ ბრიფინგზე განაცხადა, თუ ჟვანია არაფერს იტყვის, პარტიის წევრები სამართალდამცავებს მიმართავენ.

„მოვუწოდებ თამარ ჟვანიას გააკეთოს განცხადება, ვინ ურეკავდა და ვისთან ნათქვამი სიტყვის გადათქმა უჭირდა. წინააღმდეგ შემთხვევაში მე იძულებული გავხდები მივმართო სამართალდამცავ ორგანოებს დაიწყონ გამოძიება, დაადგინონ ამ პერიოდის განმავლობაში, საღამოს 20:00 საათიდან დილის 8:00 საათამდე ვისთან ჰქონდა თამარ ჟვანიას სატელეფონო კავშირი, ვინ სტუმრობდა ან ვის სტუმრობდა და ვისთან ერთად მიიღო გადაწყვეტილება...

20:00 საათზე პრესსპიკერმა და თამარ ჟვანიამ სხვადასხვა არხის საშუალებით საზოგადოებას ამცნეს, რომ 29 პარტიიდან 28-მ წარმატებით გაიარა რეგისტრაცია. ერთმა, ანუ „ეროვნულ-დემოკრატიულმა პარტიამ“ არ წარადგინა დოკუმენტაცია, ანუ იმ 28 პარტიაში ჩვენც ვიგულისხმებოდით. დილით, 8:00 საათზე კი სატელევიზიო ეთერით გვამცნო მთელ საზოგადოებას, რომ ჩვენ არ ჩაგვიბარებია სია და ეს არის საფუძველი, რომ ის გამოსცემს განკარგულებას. მას შევხვდი და სიტუაციის გარკვევის დროს დავუსვი შეკითხვა, რატომ გააკეთა ეს განცხადება, რადგან განცხადების გაკეთება არ უნდა უსწრებდეს წინ ქმედებას. ჯერ ქმედება უნდა განეხორციელებინა, თუ საჭიროდ ჩათვლიდა მოვეხსენით, გამოეცა განკარგულება და ამის შემდეგ ეუწყებინა საზოგადოებისთვის. მან მითხრა, რომ უკეთესი იქნება, თუ მე გეტყვით უარს და თქვენ სასამართლოში წახვალთ და სასამართლოთი აღიდგენთ თავსო“, - განაცხადა ზურაბ ტყემალაძემ. 

მისივე თქმით, თამარ ჟვანიამ კითხვაზე, თუ ვინ დაურეკა, ახსენა NDI, IRI, ეუთო, ხოლო შემდეგ გადათქვა თავისი სიტყვები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა