წერეთელი: როცა დაპირდები 230 ლარიანი პენსიას, 4 წლის შემდეგ არ უნდა უთხრა, რომ 20 ლარს უმატებ

2016-07-05 18:10:34, 641 ნახვა

პოლიტიკა

თუ რამეს დაპირდები ამომრჩეველს ეს ტყუილი არ უნდა იყოს. როცა დაპირდები 230 ლარიანი პენსიას, 4 წლის შემდეგ არ უნდა უთხრა, რომ 20 ლარს უმატებ, - ამის შესახებ "ნაციონალური მოძრაობის" წევრმა გიგი წერეთელმა ჟურნალისტებს განუცხადა.

მისივე თქმით, სოციალური თემატიკა, წინასაარჩევნო პერიოდში ყოველთვის წამოიწევს და ეს მარტო საქართველოში არ ხდება.

"ამომრჩეველიც უფრო მომთხოვნია არჩევნების წინ, გთხოვს დაპირებების შესრულებას. მთავარი ის არის, რომ ხელისუფლებას შეეძლო მოემატებინა პენსიები ოღონდ არა ბიუროკრატიის ხარჯებზე.
პირადად ჩვენ ვპირდებით პენსიების მომატებას, ბიუროკრატიის შემცირების ხარჯზე, ეკონომიკის გაზრდის და გადასახადების შემცირების ხარჯზე. ასევე, იმის ხარჯზე, რომ ბიზნესის კეთება საქართველოში უფრო გაიოლდება. გვექნება მეტი ინვესტიცია და საგადასახო სისტემა გაუმჯობესდება. ჩვენი აზრით ქვეყანაში არ უნდა იყოს მთავარი სანახაობა პოლიტიკური ბრძოლო და ერთმანეთთან ამგვარი ტიპის უწესო წესების გარეშე შებრძოლება, რასაც ჩვენ ვხედავთ ამ ხელისუფლების მხრიდან", - განაცხადა წერეთელმა.

შეგახსენებთ, რომ 1 ივლისიდან პირველი ჯგუფის შეზღუდული შესაძლებლობის მქონე პირებს 18 წელს ზევით და შეზღუდული შესაძლებლობის მქონე ყველა ჯგუფის ბავშვს პენსია 180 ლარამდე გაეზარდათ.