საქართველოს პრემიერ-მინისტრთან ერთად პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი 2015 წლის 13-14 ივნისის ტრაგიკული მოვლენების დროს დაღუპულთა ხსოვნის მემორიალთან პანაშვიდს დაესწრო, რომელიც საქართველოს კათოლიკოს-პატრიარქმა ილიამ მეორემ გადაიხადა.

 „მინდა, კიდევ ერთხელ მივუსამძიმრო დაღუპულთა ოჯახის წევრებს. ეს იყო უდიდესი ტრაგედია ჩვენი ქალაქის უახლოეს ისტორიაში. კარგად მახსოვს ეს მძიმე ღამე, მახსოვს, თუ რამდენად შემზარავი იყო ეს ყველაფერი და რამდენად ძნელია, როდესაც ადამიანი თავს გრძნობ უსუსურად ასეთი დიდი სტიქიის წინაშე. ასევე მახსოვს  უდიდესი სოლიდარობის აქციაც და მადლობას ვუხდი ყველა იმ ადამიანს, ვინც იმ ტრაგიკულ ღამეს და შემდეგ დღეებში გაერთიანდა და გვერდში დაუდგა თავის ქალაქს. ნამდვილად ამაღელვებელი იყო ეს სოლიდარობა", - განაცხადა დიმიტრი ქუმსიშვილმა.

პანაშვიდს ასევე ესწრებოდნენ თბილისის მერი დავით ნარმანია, მთავრობის წევრები და თბილისის მთავრობის წარმომადგენლები.

ცნობისთვის, გასული წლის 13-14 ივნისის სტიქიამ 21 ადამიანის სიცოცხლე შეიწირა, ორი დღემდე დაკარგულად ითვლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ