|
2016-06-01 17:40:25, 568 ნახვა
საზოგადოება
თბილისის სასწრაფო სამედიცინო დახმარების ცენტრმა ახმეტელის თეატრთან არსებულ ახალგაზრდული კლუბის წევრებს უმასპინძლა
ბავშვთა დაცვის საერთაშორისო დღის აღნიშვნის ფარგლებში, თბილისის სასწრაფო სამედიცინო დახმარების ცენტრმა ახმეტელის თეატრთან არსებულ ახალგაზრდული კლუბის წევრებს უმასპინძლა. თბილისის მერიის ინფორმაციით, 14-დან 17 წლამდე მოზარდები სასწავლო ცენტრში პირველად სარეანიმაციო ღონისძიებებს გაეცნენ და მანეკენებზე თავად სცადეს გადაუდებელი სამედიცინო დახმარებისთვის აუცილებელი ელემენტარული მანიპულაციების ჩატარება. მათივე ცნობით, ღონისძიების მიზანია მოზარდებში გადაუდებელი სამედიცინო დახმარებისთვის აუცილებელი უნარ-ჩვევების ჩამოყალიბება, ელემენტარული მანიპულაციების სწავლება, რომელიც მათ ყოველდღიურ ცხოვრებაში გამოადგებათ. ცენტრის დირექტორის გიორგი ბუთხუზის თქმით, ასეთი ღონისძიებები ძალიან მნიშვნელოვანია ახალგაზრდა თაობის აღზრდისთვის. „ჩვენ ვცდილობთ მივაწოდოთ ახალგაზრდებს პირველადი ცოდნა და გამოცდილება სამედიცინო სფეროში“, - განაცხადა გიორგი ბუთხუზმა ჟურნალისტებთან საუბრისას. ახმეტელის თეატრთან არსებული ახალგაზრდული კლუბის ხელმძღვანელის ლიკა კაკულიას განცხადებით, დღევანდელი დღე ძალიან საინტერესო აღმოჩნდა კლუბის წევრებისათვის. მათ ყოველთვის უნდოდათ იმის ნახვა, თუ როგორ მუშაობენ გადაუდებელი სასწრაფო სამედიცინო დახმარების ბრიგადები და მათ ეს შეძლეს. მისივე თქმით, ამ ვიზიტით კლუბის ერთ-ერთი მოსწავლის დიდი ხნის ოცნებაც ახდა. საგულისხმოა, რომ ანალოგიური ღონისძიება თბილისის სასწრაფო სამედიცინო დახმარების ცენტრში რამდენიმე კვირის წინ გაიმართა. სასწავლო ცენტრის თანამშრომლებმა პირველადი დახმარებისთვის აუცილებელი უნარები ბრიტანული ცენტრის წმინდა ნიკოლოზის სახელობის სკოლის უფროსკლასელებს გააცნეს.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)