რუსეთის ფედერაციასთან რადიკალური დაპირისპირება საქართველოსთვის კატასტროფაა, - ასე უპასუხა პრეზიდენტმა გიორგი მარგველაშვილმა სტუდენტს, რომელმაც მას ჰკითხა, „რამდენ ხანს უნდა გაგრძელდეს ოკუპაცია.“

როგორც მარგველაშვილმა აღნიშნა, ქართული პოლიტიკის მიზანია, რუსეთის რაციონალურ დიალოგამდე მიყვანა.

მისივე განმარტებით, რაციონალური დიალოგი არ ნიშნავს, რომ საქართველო რუსეთს დაუპირისპირდეს.

„ოკუპაციის შეჩერების გზა არის მხოლოდ სტრატეგიული მოთმენის პოლიტიკაში, რომელიც ჩვენ გვაქვს აღებული. რუსეთის ფედერაციასთან რადიკალური დაპირისპირება საქართველოსთვის კატასტროფაა. რა გზით მივდივართ? რა თქმა უნდა ეს გზა კარგად არ ჟღერს ხოლმე. მაგალითად, მე რომ გამოსვულიყავი და აგრესიული რიტორიკით მესაუბრა, შეიძლება ვიღაცას მოვფხანდი გულს, შეიძლებოდა ჩემს აგრესიულ რიტორიკას შესწირვოდა საქართველოს მოქალაქის სიცოცხლე ან ინტერესი.

აქედან გამომდინარე, ძალიან მძიმეა, როდესაც შენი მოქალაქე, როგორც გუშინ, არის მოკლული. ძალიან მძიმეა, როდესაც შენს ტერიოტრიაზე ატარებენ აბსოლუტურად აბსურდულ ბადეებს. თუმცა, ემოციის აყოლა არაფერს არ მოგვიტანს. ჩვენ საქართველოს უფრო ევროპულს და ევროატლანტიკურს ვხდით, გვაქვს სტრატეგიული თმენის პოლიტიკა და მიზანი ამ პოლიტიკის არის რუსეთის მიყვანა რაციონალურ დიალოგამდე. რაციონალური დიალოგი არ ნიშნავს, რომ რუსეთს დავუპირისპირდეთ. ამ დაპირისპირებაში რუსეთი არ იგებს“, - აღნიშნა პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ