საკონსტიტუციო სასამართლოს შესახებ კანონპროექტზე ჩემი განწყობა უარყოფითია,  როდესაც კანონი ჩემთან მოვა, მაშინ იქნება კონკრეტული ვერდიქტი ჩემი მხრიდან, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "რიონის" ეთერში განაცხადა.

როგორც პრეზიდენტმა აღნიშნა, მისთვის გაუგებარია, რატომ მიიღო პარლამენტმა კანონში ცვლილებები დაჩქარებულად.

"როგორც კი აღნიშნული პროცესი დაიწყო,  ჩემი და ჩემი გუნდის მხრიდან დაისვა კითხვა,  რა საჭიროებას წარმოადგენდა კანონის ასე ფორსირებულად, სწრაფ რეჟიმში გატანა, რატომ არ ეგზავნება პროექტი ვენეციის კომისიას, რატომ არ არიან  ჩართული ამ დუსკუსიაში საკონსტიტუციო სასამართლოს წარმომადგენლები. სახელმწიფო სისტემა დამოკიდებულია რამდენიმე მნიშვნელოვან  ნაგებობაზე, ინსტიტუტზე -  ეს არის სასანართლო, საბანკო, აუდიტის სისტემა, პარლამენტი, მთავრობა.ეს ნაგებობები მთლიანობაში ქმნიან ეფექტურად მომუშავე სახელმწიფოს. მნიშვნელოვანია, ამ ინსტიტუტების უფლებამოსილებები იყოს დაბალანსებული. ჩემთვის შარშანაც გაუგებარი იყო, როდესაც დაიწყო ფორსირებული შეტევა ეროვნული ბანკის შესუსტებაზე, რამ განაპირობა ასეთი შეტევა. დღესაც გაუგებარი  ის ნაჩქარევი გადაწყვეტილებები, რომელიც პარლამენტმა მიიღო. მე არაერთხელ გამოვხატე ჩემი ნეგატიური დამოკიდებულება ამ კანონპროექტის მიმართ, რადგან ქვეყნის ფუნდამენტური სტრუქტურების თემით მუდმივი თამაში არ შეიძლება.  ჯერ პარლამენტს კანონპროექტი ჩემთვის არ გადმოუგზავნია. იმისთვის, რომ ვთქვა, ვეტო იქნება თუ არა, უნდა გავეცნო კანონოროექტს. გვაქვს ინფორმაცია, რომ იყო პროცედურული დარღვევებიც",-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ