საქართველოს პრეზიდენტმა ქუთაისში კადეტებთან შეხვედრის დროს რუსეთ-საქართველოს შორის არსებულ ურთიერთობაზე ისაუბრა. მარგველაშვილის განცხადებით, ქვეყნის პოლიტიკა რუსეთთან მიმართებაში მკაფიოა.

მარგველაშვილის თქმით, რუსეთთან მშვიდი და რაციონალური დიალოგია საჭირო.

„ჩვენ ვხედავთ ქართულ პოლიტიკას რუსეთთან მიმართებაში. ეს ქართული პოლიტიკა არის ძალიან ნათელი და კონკრეტულად ჩამოყალიბებული. ჩვენ ვამბობთ, რომ რუსეთთან გვჭირდება პოლიტიკა, სადაც ერთ მხარეს იქნება საქართველოს ინტერესები და მეორე მხარეს რუსეთის ინტერესები და ჩვენ ვლაპარაკობთ ამ ინტერესებზე. რუსეთთან დიალოგში არის ერთი ძალიან ნიშვნელოვანი წინაპირობა - რუსეთის ფედერაციამ უნდა აღიაროს საქართველოს სუვერენიტეტი და ტერიტორიული მთლიანობა. ეს ბუნებრივი მოთხოვნილებაა, რომელიც შეიძლება ჰქონდეს ნებისმიერ ცივილიზებულ სახელმწიფოს. ამ მოთხოვნებს რუსეთის ფედერაცია ვერსად გაექცევა. შესაბამისად, ჩვენი სტრატეგიაა რუსეთთან ავაგოთ რაციონალურად მშვიდი დიალოგი. ამ მიმართულებით ჩვენ გვქონდა და გვაქვს წარმატება.

როდესაც ვსაუბრობთ რუსეთთან უფრო აქტიური სავაჭრო, კულტურული პოლიტიკის შესახებ, ამ თვალსაზრისით ვიცით, რომ რუსეთის ბაზარი მეტ-ნაკლებად გაიხსნა ჩვენთვის. არაერთი რუსი ტურისტი და ბიზნესმენი ჩამოდის და თავისუფლად მოღვაწეობს საქართველოში. ეს არის ერთი ნაწილი, რომლითაც ჩვენ შევძელით დაძაბულობის ფონის მოხსნა, მაგრამ არის მეორე ნაწილიც, რომელიც უკავშირდება რუსეთის ფედერაციის მიერ გადადგმულ ნაბიჯებს. მაშინ, როდესაც 2014 წელს ყოველგვარი მიზეზის გარეშე რუსეთმა რატომღაც გააფორმა სამოკავშირეო ხელშეკრულება ცხინვალთან, ამან გაუგებარი გახადა რა პოლიტიკას ატარებს რუსეთი კავკასიაში და, კერძოდ, საქართველოში, მაგრამ არჩევანი არის ნათელი - საქართველოს არც ერთი მოქალაქე და ხელისუფლება ხელს არ მოაწერს ოკუპაციას.

ეს არის წინაპირობა. ასევე, ქართველებს არ გვაქვს პრობლემა და მტრული დამოკიდებულება რუსების მიმართ და რაღაც მომენტში ჩვენ უნდა შევძლოთ და ველაპარაკოთ არა პოლიტიკური ბლოკადებით, არამედ რაციონალურად სახელმწიფოებრივი ინტერესებიდან გამომდინარე“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ