ვენეციის კომისიას "საკონსტიტუციო სასამართლოს შესახებ" კანონის საბოლოო ვარიანტი გადაეგზავნება, - ამის შესახებ ადამიანის უფლებათა დაცვის კომიტეტის თავმჯდომარე ეკა ბესელიამ განაცხადა.

როგორც ბესელიამ აღნიშნა, სასამართლო სისტემა პოლიტიკური გავლენებისგან სრულად უნდა გათავისუფლდეს.

"რასაც ვაკეთებთ საკონსტიტუციო სასამართლოსთან დაკავშირებით, შემიძლია სრული გულწრფელობით ვთქვა, მთავარი მოტივაცია არა სასამართლოს დასუსტება, არამედ ის არის, რომ  სასამართლო სრულად გათავისუფლდეს პოლიტიკური გავლენებისგან. სამწუხაროდ, სასამართლოს ჰქონდა ასეთი ტვირთი. სასამართლო არ უნდა იყოს პოლიტიკური ორგანო. მესმის წუხილი, რომ ბოლო - მეორე და მესამე მოსმენა ფორსირებულად მოხდა, მაგრამ ჩვენ ამ საკითხზე ორი თვის განმავლობაში ვიმუშავეთ. პრაქტიკულად კომიტეტმა გაიზიარა ყველა შემოთავაზება და შენიშვნა, დარჩა ერთადერთი საკითხი, პლენუმის კვორუმი. ვფიქრობ, აქაც საინტერესო იქნება ვენეციის კომისიის დასკვნა. ჩვენ ამ პაკეტს თავისი განმარტებითი ბარათებით ვუგზავნით ვენეციის კომისიას და მის დასკვნას ძალიან დიდი ინტერესით დაველოდებით. ბუნებრივია, მის რეკომენდაციებზეც ერთად ვიმუშავებთ”, - განაცხადა ეკა ბესელიამ.

შეგახსენებთ, „საკონსტიტუციო სასამართლოს შესახებ“ კანონში ცვილებები საქართველოს პარლამენტმა მესამე მოსმენით მიიღო. დღევანდელ პლენარულ სესიაზე ორგანულ კანონპროექტს მხარი 81 დეპუტატმა დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ