ჩვენ რუსეთთან ურთიერთობის დეესკალაციას ვცდილობთ, მაგრამ ეს არ ნიშნავს, რომ ჩვენი სტრატეგიული მიზნები გადაიხედება, - ამის შესახებ საქართველოს პრემიერ-მინისტრმა გიორგი კვირიკაშვილმა ლონდონში, „ჩეთემ ჰაუსში“ საექსპერტო წრეების წარმომადგენლებთან შეხვედრაზე განაცხადა.

როგორც "ექსპრესნიუსს" მთავრობის ადმინისტრაციიდან აცნობეს, საქართველოს პრემიერ-მინისტრის თქმით, არავინ უნდა დააყენოს ეჭვქვეშ საქართველოს ევროპული არჩევანი.

„საქართველო ცდილობს სტანდარტების ევროპასთან დაახლოებას. ვარშავის ნატო-ს სამიტისთვის ვემზადებით და იმედი გვაქვს, რომ დავუახლოვდებით ნატო-ს. ყველა, ვინც მანიპულირებს საქართველოს საგარეო კურსით, არასწორია. ეს არის საქართველოს არჩევანი და მომავალი“,-აღნიშნა გიორგი კვირიკაშვილმა.

მისივე თქმით, ის ნატო-ს სამიტზე საქართველოს პროგრესის დაფიქსირებას ელოდება.

ამასთან, გიორგი კვირიკაშვილმა აღნიშნა, რომ „სამხრეთ ოსეთში“ დაგეგმილი  რეფერენდუმი საერთაშორისო სამართლის ნორმების დარღვევა.

„სამხრეთ ოსეთთან“  და აფხაზეთთან ნდობის აღდგენას  ვცდილობთ. კონფლიქტის გადაწყვეტის სამხედრო გზა არ არსებობს“, - განაცხადა კვირიკაშვილმა.

საქართველოს პრემიერ-მინისტრმა აგრეთვე საერთაშორისო სამხედრო მისიებში საქართველოს მონაწილეობაზე, ქვეყენაში არსებულ საინვესტიციო გარემოზე, მედიის თავისუფლებასა და სასამართლო სისტემის რეფორმაზე ისაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ