ოთხი წლის წინ „ქართული ოცნების“ პოზიციას ბიძინა ივანიშვილი გამოხატავდა, დღეს ამას ირაკლი კობახიძე აკეთებს, - ასე ეხმაურებიან „ოცნების“ აღმასრულებელი მდივნის განცხადებას, „საქართველოს განვითარების ფონდში“, რომელმაც პაატა ბურჭულაძე „ნაცმოძრაობის“ სატელიტად მოიხსენია.

როგორც ფონდის ერთ-ერთმა ლიდერმა გიორგი რუხაძემ „ექსპრესნიუსს“ განუცხადა, „ქართულ ოცნებაში“ სრული ქაოსია, ამიტომ მათ წინა ხელისუფლების ხერხების გამოყენება დაიწყეს და განსხვავებული აზრის მქონე ადამიანებს სატელიტებსა და აგენტებს უწოდებენ.

„ბატონი კობახიძის განცხადება პირდაპირ მიუთითებს იმ პროცესებზე, რაც ხდება „ქართულ ოცნებაში“. ეს არის ის შიში და ქაოსი, რასაც „ქართული ოცნება“ არჩევნების გამო განიცდიან. ამაში ისინი ძალაუფლების დაკარგვის რეალურ საფრთხეს ხედავენ. შესაბამისად, მათ დაიწყეს ყოფილი ხელისუფლების მეთოდების გამოყენება. საზოგადოებრივი ორგანიზაციები, როდესაც არ ეთანხმება მათ პოზიციას ისინი ხდებიან სატელიტები, აგენტები და ა.შ. ხდება საზოგადოების დაყოფა ჩვენიანებად და სხვისიანებად.

„ქართული ოცნება“ ამ ბინძურ ხერხებს იყენებს, იმის ნაცვლად რომ ჩამოყალიბდეს პოლიტიკურ კურსზე, ევროსტრატეგიულ მიმართულებაზე, იმ პრობლემების გადაწყვეტის გზებზე, რაც ქართველი ხალხის წინაშეა.

ამ პარტიაში დღეს ქაოსია, პატრიოტი და კვალიფიციური კადრები ტოვებენ პარტიას. თუ ოთხი წლის წინ „ქართული ოცნების“ პოზიციას ბიძინა ივანიშვილი გამოხატავდა, დღეს ამას კობახიძე აკეთებს. ამით ჩანს, პარტიაში მიმდინარე პროცესი. ნათელია ის, რომ „ქართულმა ოცნებამ“ როგორც პოლიტიკურმა პარტიამ თავისი თავი და შესაძლებლობები ამოწურა“, - განაცხადა გიორგი რუხაძემ.

შეგახსენებთ, ირაკლი კობახიძემ „თავისუფალი დემოკრატებს“, პაატა ბურჭულაძესა და „ლეიბორისტებს“ „ნაციონალური მოძრაობის“ სატელიტები უწოდა. ეს განცხადება „ოცნების“ აღმასრულებელმა მდივანმა გაზეთ „ვერსიისთვის“ მიცემულ ინტერვიუში გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი