ევროპარლამენტის ვიცე-პრეზიდენტის, იოან მირჩა პასკუსის განცხადებით,  ევროპარლამენტის სოციალ-დემოკრატების ჯგუფი საქართველოს სრულ მხარდაჭერას უცხადებს.

„ჩვენ განვიხილეთ საქართველო-ევროკავშირის ურთიერთობები, რეფორმების მნიშვნელობა, ასევე ხალხის მხრიდან რეფორმების მხარდაჭერის მნიშვნელობა. რეფორმების განსახორციელებლად, საჭიროა ხალხის მხარდაჭერა, ხალხის მხარდაჭერის მოპოვებას კი სავიზო რეჟიმის ლიბერალიზაცია შეუწყობს ხელს. ვიმედოვნებთ, რომ საქართველოს ვიზალიბერალიზაციის კუთხით ყველაფერი სწორი გზით წავა. სოციალ-დემოკრატების ჯგუფის სახელით, რომელსაც მე წარმოვადგენ, მინდა ჩვენს მხარდაჭერაში დაგარწმუნოთ", - აღნიშნა ევროპარლამენტის ვიცე-პრეზიდენტმა  საქართველოს საგარეო საქმეთა მინისტრთან შეხვედრის დასრულებისას.

სტრასბურგში საქართველოს საგარეო საქმეთა მინისტრის ვიზიტი 2016 წლის 13-14 აპრილს გაიმართა.  საგარეო უწყების ცნობით, ვიზიტის ფარგლებში, საქართველოს საგარეო საქმეთა მინისტრმა ევროპარლამენტსა და ევროპის საბჭოში შეხვედრები გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას