საქართველოს მოსახლეობის 26% ჩვენი კვლევის თანახმად საერთოდ არ იცის ვინ არის NDI, - ასე გამოეხმაურა "საქართველოს პატრიოტთა ალიანსის" გენერალური მდივანი ირმა ინაშვილი NDI-ის კვლევის შედეგებს.

მისივე თქმით, ალიანსის რეიტინგი ბევრად მეტია, ვიდრე ეს ეროვნული დემოკრატიული ინსტიტუტის კვლევებშია ასახული.

"საქართველოს მოსახლეობის 26% ჩვენი კვლევის თანახმად საერთოდ არ იცნობს NDI-ს, რა არის და რა საქმიანობას ეწევა. ჩვენი რეიტინგი არის ბევრად მეტი, ვიდრე ამას NDI ამბობს", - განაცხადა ირმა ინაშვილმა.

შეგახსენებთ, NDI-ს კვლევის თანახმად 61%-ს არ აქვს გადაწყვეტილი ვის მისცემს ხმას. კერძოდ, კითხვაზე “ხვალ რომ არჩევნები იყოს, გადაწყვეტილი გაქვთ თუ არა ვის მისცემთ ხმას”, მოსახლეობის უმრავლესობა (61 პროცენტი) ამბობს, რომ კვლავ არ აქვს გადაწყვეტილი თუ რომელ პოლიტიკურ პარტიას დაუჭერს მხარს; მათ შორის გადაუწყვეტელია იმ ამომრჩევლების ნახევარიც, რომლებიც სავარაუდოდ მიიღებდნენ არჩევნებში მონაწილეობას. რესპონდენტების 16 პროცენტმა ქართული ოცნება-დემოკრატიული საქართველო დაასახელა როგორც მათ შეხედულებებთან ყველაზე ახლოს მდგომი პარტია, 15 პროცენტი ერთიან ნაციონალურ მოძრაობას ემხრობა, 9 პროცენტი - თავისუფალ დემოკრატებს, 5 პროცენტი - ლეიბორისტულ პარტიას, 5 პროცენტი კი - საქართველოს პატრიოტთა ალიანსს.

კვლევის საველე სამუშაოები ჩატარდა 23 თებერვალი - 14 მარტის პერიოდში, საქართველოს მასშტაბით, 3,900 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა