დიმიტრი მედვედევი: სომხეთისა და აზერბაიჯანისთვის იარაღის მიწოდება გარდაუვალია

2016-04-09 14:59:47, 1334 ნახვა

მსოფლიო

სომხეთისა და აზერბაიჯანისთვის იარაღის მიწოდება გარდაუვალია, - ამის შესახებ „რიანოვოსტი“ რუსეთის პრემიერ-მინისტრზე, დიმიტრი მედვედევზე დაყრდნობით იტყობინება.

მედვედევის თქმით, თუ რუსეთი სომხეთისა და აზერბაიჯანისთვის იარაღის მიწოდებას შეწყვეტს, მოსკოვს სხვა ქვეყნები ჩაანაცვლებენ.

„ერთი წუთით, რომ წარმოიდგინოთ ვითარება, როდესაც რუსეთი ამ როლიდან გავა, ჩვენ კარგად ვიცით, რომ ეს ადგილი ცარიელი არ დარჩება“, - განაცხადა მედვედევმა „Russia 1“-ის ეთერში.

აღსანიშნავია, რომ აზერბაიჯანი რუსული იარაღის მთავარი იმპორტიორია. 2010-2014 წლებში მოსკოვმა და ბაქომ არაერთი კონტრაქტი გააფორმეს. რუსული მედიის ინფომრაციით, იარაღის მიწოდების მომსახურება 4 მილიარდ დოლარს შეადგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან