დონალდ ტრამპის ადმინისტრაცია სავიზო პოლიტიკას ამკაცრებს. უცხოელი სტუდენტები, კულტურული გაცლით პროგის მონაწილეები და ჟრნალისტები ამ რეფორმის ძირითდი ობიექტები გახდებიან. ეს რეგულაციები იმოქმედებს F ვიზაზე- საერთშორისო სტუდენტები; J ვიზაზე- კულტურული გაცვლით პროგრამის მონაწილეებზე; I ვიზაზე- მედიის წარმომადგენლებზე.

ახალი რეგულაციებით საერთაშორისო სტუდენტთ ვიზის მაქსიმალური ვადა იქნება 4 წელი, ხოლო ჟურნალისწტების მაქსიმალული ვადა 240 დღემდე მცირდება, თმცა ეს რეგულაციები თავისმხრივ ითვალისწინებს ვადების გაგრძელების განხილვას.

მაგისტრების და დოქტორების შემთხვევაში, მათ არ აქვთ სასწავლო დაწესებულების შეცვლის უფლება კონკრეტული ნებართვის გარეშე ხოლო სწავლის დასრულებისთანავე მათ ქვეყანა 60- ის ნაცვლად 30 დღეში უნდა დატოვონ.

აღნიშნულმა ცვლილებებმა ექსპერტებისა და საიმიგრაციო სამართლის სპეციალისტების მკვეთრი კრიტიკა გამოიწვია. ეროვნული უსაფრთხოების დეპარტამენტის ყოფილი მაღალჩინოსნის, დაგ რენდის შეფასებით, ეს რეგულაცია ზიანს მიაყენებს საერთაშორისო სტუდენტების მიღების პროცესს და შექმნის ზედმეტ ბიუროკრატიულ ბარიერებს. კატონის ინსტიტუტის საიმიგრაციო კვლევების დირექტორი, დევიდ ჯ. ბიერი კი აღნიშნავს, რომ სწავლისა და სასწავლებლის შეცვლის შეზღუდვებს სამართლებრივი საფუძველი არ გააჩნია, ხოლო 30-დღიანი ვადა სტუდენტებს უმძიმეს პირობებში აყენებს, რადგან ამ დროში სპონსორი დამსაქმებლის მოძიება თითქმის შეუძლებელია და მათ არალეგალად ქცევის საფრთხეს უქმნის.

თავის მხრივ, აშშ-ის ეროვნული უსაფრთხოების დეპარტამენტი მიღებული გადაწყვეტილების მთავარ არგუმენტად ვიზების რაოდენობის მკვეთრ ზრდასა და მონიტორინგის სირთულეებს ასახელებს. უწყების მონაცემებით, 2024 წელს სტუდენტური ვიზით ქვეყანაში 1.8 მილიონზე მეტი ადამიანი შევიდა (რაც წინა წელთან შედარებით 11%-იან ზრდას წარმოადგენს), ხოლო გაცვლითი პროგრამების მონაწილეებსა და მედიის წარმომადგენლებზე ნახევარ მილიონზე მეტი ვიზა გაიცა. დეპარტამენტის განცხადებით, ასეთი ნაკადი ართულებს ქვეყანაში მყოფი პირების ზედამხედველობას, მით უმეტეს იმ ფონზე, როდესაც არსებობს უამრავი მაგალითი იმისა, თუ როგორ რჩებოდნენ სტუდენტები აშშ-ში ათწლეულების განმავლობაში.

ეს ცვლილებები ნაწილია იმ მასშტაბური საიმიგრაციო რეფორმისა, რომელიც პრეზიდენტმა დონალდ ტრამპმა 2025 წლის იანვარში, თანამდებობის დაკავებისთანავე წამოიწყო. ახალი პოლიტიკის ფარგლებში მკვეთრად გამკაცრდა კონტროლი ლეგალურ იმიგრაციაზეც: განსაზღვრული ვადის ამოწურვის შემდეგ ქვეყანაში დარჩენის მსურველებს მოეთხოვებათ ვიზის გაგრძელებაზე განაცხადის შეტანა ან ქვეყნის დატოვება, ხოლო იდეოლოგიური შეხედულებების გამო ნაწილობრივ გაუქმდა სტუდენტური ვიზები, მწვანე ბარათები (Green Card) და ასობით ათას მიგრანტს ლეგალური სტატუსი ჩამოერთვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა

„No Kings“ შეერთებულ შტატებში ტრამპის წინააღმდეგ მასობრივი საპროტესტო აქციები გაიმართა.

რუსეთმა კიევის მეტროსადგურზე თავდასხმა განახორციელა, რის შედეგადაც ერთი ადამიანი დაიღუპა 8 დაიჭრა

ტრამპმა უკრაინაში ომის დასრულების მოლაპარაკებებში მნიშვნელოვანი პროგრესი გამოაცხადა და მკაცრად გააკრიტიკა ზელენსკი