აშშ-ის პრეზიდენტმა დონალდ ტრამპმა რუსეთსა და უკრაინას შორის ომის მოგვარების მოლაპარაკებებში მნიშვნელოვანი პროგრესი გამოაცხადა. მან თქვა, რომ არ აპირებს ისეთი ნაბიჯების გადადგმას, რამაც შეიძლება მოსკოვი აიძულოს მოლაპარაკებებიდან გამოვიდეს.

„ჩემი გადაწყვეტილება რუსეთთან დაკავშირებით ძალიან მარტივია. მე რუსეთსა და უკრაინას შორის ომში მშვიდობის მოლაპარაკებას ვაწარმოებ და არ მინდა ისეთი რამ გავაკეთო, რაც რუსეთს მოლაპარაკებების მაგიდიდან უხეშად ჩამოაშორებს. მნიშვნელოვანი პროგრესია მიღწეული, მათ შორის მიმდინარე მძევლების მოლაპარაკებებში“, - დაწერა ტრამპმა სოციალურ ქსელ TruthSocial-ზე.

ამერიკის პრეზიდენტმა თავისი პოზიცია ასევე ახსნა რუსეთის ირანთან თანამშრომლობის გაძლიერების სურვილით. მან განაცხადა, რომ მოსკოვი ისლამურ რესპუბლიკას გაცილებით ნაკლებ დახმარებას უწევს, ვიდრე შეეძლო და ვაშინგტონს ამ სიტუაციის შენარჩუნება აინტერესებს.

ტრამპმა დასძინა, რომ რუსეთთან დაკავშირებით გარკვეული დოკუმენტის ახლავე ხელმოწერამ შეიძლება ხელი შეუშალოს მოლაპარაკებების პროცესს. თუმცა, მან არ დააკონკრეტა, რომელ დოკუმენტს გულისხმობდა და ხაზგასმით აღნიშნა, რომ მას მოგვიანებით შეიძლება მოაწეროს ხელი.

გარდა ამისა, აშშ-ის პრეზიდენტმა გააკრიტიკა უკრაინის მიერ რუსეთის ნავთობგადამამუშავებელ ქარხნებზე განხორციელებული დარტყმები და განაცხადა, რომ ისინი უარყოფითად აისახება დიზელის საწვავის გლობალურ ბაზარზე, მათ შორის აშშ-ში. ტრამპის თქმით, ეს ზიანს აყენებს ფერმერებს, მეცხოველეობის მწარმოებლებსა და სხვადასხვა ინდუსტრიის ბიზნესებს, მაშინ როდესაც რუსეთი აგრძელებს გლობალური ბაზრისთვის მილიონობით ბარელი დიზელის დაბალ ფასებში მიწოდებას.

ტრამპმა ასევე დაადანაშაულა უკრაინის პრეზიდენტი ვოლოდიმირ ზელენსკი ომის დასრულების სურვილის არქონაში და განაცხადა, რომ მას შეეძლო ორი წლის წინ უფრო ხელსაყრელი შეთანხმების მოლაპარაკება.

„მინდა, რომ ეს ომი დასრულდეს!“ - დაასკვნა ამერიკელმა პრეზიდენტმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა

„No Kings“ შეერთებულ შტატებში ტრამპის წინააღმდეგ მასობრივი საპროტესტო აქციები გაიმართა.