აშშ-მა ირანში მიმდინარე აქციებზე დემონსტრანტების წინააღმდეგ ძალადობაზე პასუხისმგებელი თანამდებობის პირები დაასანქცირა. განცხადებას აშშ-ის სახაზინო დეპარტამენტი ავრცელებს

სახაზინო დეპარტამენტის განცხადებაში ნათქვამია:

"სანქცირებულთა შორის არიან:

• ირანის ეროვნული უშიშროების უმაღლესი საბჭოს (SCNS) მდივანი, ალი ლარიჯანი, რომელიც პასუხისმგებელია ირანის უზენაესი ლიდერის სახელით საპროტესტო აქციებზე რეაგირების კოორდინაციაზე და მან საჯაროდ მოუწოდა ირანის უსაფრთხოების ძალებს, გამოეყენებინათ ძალა მშვიდობიანი მომიტინგეების დასარბევად

• მოჰამედ რეზა ჰაშემიფარი, რომელიც მსახურობს ირანის ისლამური რესპუბლიკის სამართალდამცავი ძალების (LEF) მეთაურად ლორესტანის პროვინციაში (აღნიშნული უწყება სანქცირებულია აშშ-ის მიერ)

• ნემატოლა ბაღერი - „ისლამური რევოლუციის გუშაგთა კორპუსის“ (IRGC) მეთაური ლორესტანის პროვინციაში. ირანის უსაფრთხოების ძალებმა ლორესტანის პროვინციაში ირანელი სამოქალაქო პირების წინააღმდეგ არაერთი სისასტიკე ჩაიდინეს. მაგალითად, ქალაქ აზნაში უსაფრთხოების ძალებმა ესროლეს რამდენიმე მშვიდობიან მოქალაქეს; ერთ-ერთი გარდაცვლილის ცხედარი კი სამართალდამცავებმა მძევლად დაიტოვეს, რათა ოჯახი ეიძულებინათ, მიცვალებული ცრუდ გამოეცხადებინათ ხელისუფლებისთვის თავდადებულ „წამებულად“ (შაჰიდად)"

• ზიზოლა მალეკი და იადოლა ბუალი, რომლებიც მსახურობენ ლორესტანის პროვინციის სამართალდამცავი ძალებისა (LEF) და „ისლამური რევოლუციის გუშაგთა კორპუსის“ (IRGC) მეთაურებად. ამ პროვინციაში მდებარეობს ირანის ერთ-ერთი უმთავრესი ქალაქი შირაზი, რომელიც რეჟიმის წინააღმდეგ წინააღმდეგობის მნიშვნელოვანი ცენტრია. 2025 წლის დეკემბერში დაწყებული საპროტესტო აქციების შემდეგ, ფარსის პროვინციაში უსაფრთხოების ძალებმა უამრავი მშვიდობიანი დემონსტრანტი მოკლეს; შირაზის საავადმყოფოები იმდენად არის გადატვირთული ცეცხლსასროლი ჭრილობების მქონე პაციენტებით, რომ სხვა ტიპის პაციენტების მიღება ვეღარ ხერხდება. დაღუპულთა ოჯახებს აიძულებენ, სახელმწიფო ტელევიზიით ცრუ ჩვენებები მისცენ რეჟიმის ნარატივის მხარდასაჭერად, წინააღმდეგ შემთხვევაში კი მათ ახლობლების ცხედრების გადაცემაზე უარს ეუბნებიან.

ამერიკის შეერთებული შტატები მტკიცედ უჭერს მხარს ირანელი ხალხის თავისუფლებისა და სამართლიანობისკენ მისწრაფებას“, - აცხადებს დეპარტამენტი. 

ავტორი: ექსპრესნიუსი,

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა