პარტია სტრატეგია აღმაშენებელი ეხმაურება ივანიშვილის პრეზიდენტის, მიხეილ ყაველაშვილის განცხადებას ოპოზიციონერი ლიდერების შეწყალებასთან დაკავშირებით და წერს, რომ კრიზისიდან გამოსავალი ახალლი არჩევნები და ყველა პოლიტპატიმრის გათავისუფლებაა და არა "არალეგიტიმური პარლამენტის მიერ არჩეული არალეგიტიმური პრეზიდენტის შეწყალება". 

"როგორც არ ვაღიარებთ არალეგიტიმურ პარლამენტს, ისე არ ვაღიარებთ არალეგიტიმურ პრეზიდენტს.

პოლიტიკური ლიდერები და სინდისის პატიმრები არიან რეჟიმის ტყვეობაში თავისუფლებისა და სიმართლისთვის ბრძოლისთვის.

სახეზეა რეჟიმის პოლიტიკური კრიზისი. ამ კრიზისიდან ერთადერთი გამოსავალი არის ახალი საპარლამენტო არჩევნები და ყველა სინდისის პატიმრის გათავისუფლება, და არა არალეგიტიმური პარლამენტის მიერ არჩეული არალეგიტიმური პრეზიდენტის შეწყალება.

ამიტომ ბრძოლა იქნება ღირსებით და ბოლომდე!". - ნათქვამია პარტიის განცხადებაში. 

ყაველაშვილმა დღეს, 4 ივლისს მსჯავრდებულ ოპოზიციონერ ლიდერებს შესთავაზა, რომ მას შეწყალების თხოვნით მიმართონ. ივანიშვილის პრეზიდენტი პოლიტიკოსებს დათქმას უწესებს და მოითხოვს, რომ შეწყალების შესახებ განცხადებაში ოპოზიციონერებმა დაადასტურონ "საკუთარი სურვილი არჩევნებში მონაწილეობის შესახებ".

ყაველაშვილის განცხადებას ბრიფინგით უპასუხა ლელოს გენერალურმა მდივანმა, ირაკლი კუპრაძემ. კუპრაძის თქმით, " არანაირი შეწყალების მიმართვა არალეგიტიმური პრეზიდენტისთვის არ იქნება, ჩვენ ყაველაშვილს მივუთითებთ გზას რუსული ხომალდის მიმართულებით".

განცხადებას ასევე გამოეხმაურა "კოალიცია ცვლილებისთვის", რომელიც წერს, რომ არცერთ ეტაპზე არ აპირებენ რეჟიმთან თანამშრომლობასა და მათთვის ლეგიტიმაციის მინიჭებას.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები