"ქართული ოცნების პრეზიდენტს მიხეილ ყაველაშვილს, პოლიტიკოსების შეწყალების შესახებ უპასუხა, ერთიანი საქართველოს ერთ-ერთმა ლიდერმა ირაკლი კუპრაძემ.

კუპრაძის შეფასებით, სასაცილო და უბადრუკი მცდელობა ყაველაშვილის მხრიდან ივაჭროს პოლიტიკური ლიდერების თავისუფლებით. 

"ჩვენ მოვისმინეთ რუსული რეჟიმის არალეგიტიმური პრეზიდენტის მხრიდან სასაცილო და უბადრუკი მცდელობა ივაჭროს პოლიტიკური ლიდერების თავისუფლებით. ჩვენ ამ ვაჭრობაში არ შევდივართ რუსულ რეჟიმთან. 

მიუხედავად იმისა, რომ არ გვაქვს შესაძლებლობა დავეკონტაქტოთ პატიმრობაში მყოფ ჩვენს ლიდერებს, მე როგორც ლელოს გენერალური მდივანი, ვიცი რა რა ღირებულებებით ცხოვრობენ მამუკა ხაზარაძე და ბადრი ჯაფარიძე, რა პრინციპებით და ღირსებით იცავენ ქართველი ხალხის ინტერესებს და სჯერათ ბრძოლის და გამარჯვების!  მათთან შეუთანხმებლად, თუმცა რწმენით, რომ ეს არის 100% მათი პოზიცია ვაცხადებ. არანაირი შეწყალების მიმართვა არალეგიტიმური პრეზიდენტისთვის არ იქნება. 

ჩვენ მას მივუთითებთ გზას რუსული ხომალდის მიმართულებით! 

თავის მხრივ, ყაველაშვილის ეს უბადრულოი მცდელობა არის ივანიშვილის შიშების დემონსტრირება, მორალური დილემებით გაართულოს ოპოზიციის მიერ გადაწტვეტილებების მიღების შესაძლებლობა - ვიბრძოლოთ ყველა ველზე. 

შესაბამისად კიდევ ერთხელ, მივმართავთ პრეზიდენტ სალომე ზურაბიშვილს ავუსრულოთ ივანიშვილს თავისი რუსული კოშმარი. ვთხოვთ ზურაბიშვილს, კიდევ ერთხელ, ვცადოთ ერთიანობა და ავუსრულოთ მთავარი შიში ივანიშვილს და მის რუსულ რეჟიმს - ივანიშვილს ეშინია ერთობის და ეშინია საერთო ბრძოლის!" = განაცხადა ირაკლი კუპრაძემ.

ივანიშვილის პრეზიდენტი, მიხეილ ყაველაშვილი თვითმმართველობის არჩევნებთან დაკავშირებით განცხადებას ავრცელებს და მსჯავრდებულ ოპოზიციონერ ლიდერებს სთავაზობს, მას შეწყალების თხოვნით მიმართონ.

ყაველაშვილი პოლიტიკოსებს დათქმას უწესებს და მოითხოვს, რომ შეწყალების შესახებ განცხადებაში ოპოზიციონერებმა დაადასტურონ "საკუთარი სურვილი არჩევნებში მონაწილეობის შესახებ".

ივანიშვილის პრეზიდენტი წერს, რომ მსგავსი განცხადებით მიმართვის შემთხვევაში, დაუყოვნებლივ გამოსცემს აქტს შესაბამისი მსჯავრდებულის შეწყალებაზე.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები