თბილად მივესალმები ევროკავშირის საბჭოს დასკვნით დოკუმენტს, რომელიც კიდევ ერთხელ ადასტურებს მოლდოვას სუვერენიტეტის, მდგრადობისა და ევროკავშირში გაწევრიანების გზის მიმართ მტკიცე მხარდაჭერას, - ამის შესახებ მოლდოვას პრეზიდენტი, მაია სანდუ სოციალურ პლატფორმა X-ზე წერს.

“ვაფასებთ ჩვენი რეფორმების პროგრესის აღიარებას და ყველა მოლდოველისთვის ევროპული მომავლის მშენებლობის მიმართ ერთგულები ვრჩებით“, - წერს სანდუ.

შეგახსენებთ, გუშინ გამართული ევროპული საბჭოს სამიტის შემდეგ გამოქვეყნებულ დასკვნით დოკუმენტში აღნიშნულია, რომ ევროპული საბჭო მოუთმენლად ელის მოლდოვა-ევროკავშირის პირველ სამიტს, რომელიც 2025 წლის 4 ივლისს გაიმართება და კიდევ ერთხელ ადასტურებს ევროკავშირის მტკიცე მხარდაჭერას მოლდოვას რესპუბლიკის სუვერენიტეტის, ტერიტორიული მთლიანობის, მდგრადობისა და ეკონომიკური განვითარების მიმართ.

„ევროკავშირი გააგრძელებს მჭიდრო თანამშრომლობას მოლდოვას რესპუბლიკასთან, რათა გააძლიეროს ქვეყნის მდგრადობა და სტაბილურობა იმ ფონზე, როცა რუსეთი მუდმივად ახორციელებს დესტაბილიზაციის გამომწვევ საქმიანობას, მათ შორის ჰიბრიდულ თავდასხმებს, რომლის მიზანიც ქვეყნის დემოკრატიული ინსტიტუტების შელახვაა“, - აღნიშნულია დოკუმენტში.

მანამდე, რუმინეთის პრეზიდენტმა ნიკუსორ დანმა განაცხადა, რომ ევროკავშირი მოლდოვასთან ევროკავშირში გაწევრიანებასთან დაკავშირებით მოლაპარაკებების პირველ კლასტერს 4 ივლისს გახსნის და ეს კიშინიოვში ევროკავშირი-მოლდოვას სამიტის დროს მოხდება.

ავტორი: ექსპრესნიუსი,

სოციალური ქსელები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს

პარტიების მოთხოვნა მოსამართლეების აცილებაზე საკონსტიტუციოს პლენუმმა არ დააკმაყოფილა