აშშ-ის პრეზიდენტის, დონალდ ტრამპის განცხადებით, ახლო აღმოსავლეთში ცეცხლის შეწყვეტის შეთანხმება ორივე ქვეყანამ - როგორც ისრაელმა, ასევე ირანმა დაარღვია.

Fox News-ის ინფორმაციით, ჰააგაში, ნატო-ს სამიტზე გამგზავრებამდე ჟურნალისტებთან საუბრისას ტრამპმა განაცხადა, რომ დარწმუნებული არ არის, რომ ეს განზრახ გააკეთეს.

მისივე თქმით, „უკმაყოფილოა“ ისრაელითა და ირანით და „ნამდვილად უკმაყოფილოა“ ისრაელით.

„ჩვენ უნდა დავამშვიდოთ ისრაელი, რადგან დღეს დილით მათ მისია გააგრძელეს. ისრაელი უნდა დავამშვიდო. როგორც კი თქვენგან წავალ, ვნახავ, შევძლებ თუ არა მის შეჩერებას“, - აღნიშნა ტრამპმა.

მისი თქმით, როგორც კი შეთანხმებას მიაღწიეს, ისრაელმა ბომბების დიდი რაოდენობა ჩამოაგდო.

„ასეთი რამ არასდროს მინახავს. ყველაზე დიდი რაოდენობა, რაც კი გვინახავს. ისრაელით უკმაყოფილო ვარ. არც ირანით ვარ კმაყოფილი. ორი ქვეყანა, რომლებიც იმდენ ხანს და ისე სასტიკად იბრძვიან, რომ არ იციან, რა ჯანდაბას აკეთებენ“, - აღნიშნა ტრამპმა.

მისი მტკიცებით, ირანის ბირთვული შესაძლებლობები აღმოფხვრილია და თეირანი ვეღარასდროს აღადგენს თავის ბირთვულ პროგრამას.

ამასთან, დონალდ ტრამპმა სოციალურ ქსელში გამოქვეყნებულ პოსტში ისრაელს მოუწოდა, თავისი პილოტები უკან დააბრუნოს.

„ისრაელო. არ ჩამოაგდოთ ეს ბომბები. თუ ამას გააკეთებთ, ეს სერიოზული დარღვევა იქნება. წაიყვანეთ თქვენი პილოტები სახლში, ახლავე! დონალდ ტრამპი, ამერიკის შეერთებული შტატების პრეზიდენტი“, - დაწერა ტრამპმა.

ავტორი: ექსპრესნიუსი,

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა