თბილისის სახელმწიფო უნივერსიტეტში თვითმმართველობის წარმომადგენლებს მხარდამჭერთა ახალი საკმაოდ მრავალრიცხოვანი ნაკადი შეუერთდა. უცნობია, როგორ მოახერხეს მათ შენობაში შესვლა იმ პირობებში, როდესაც შესასვლელებს დაცვა იცავს და სტუდენტთა მეორე ჯგუფის წარმომადგენლებს თსუ-ში შესვლის უფლებას არავინ აძლევს.

თვითმმართველობის წარმომადგენლები, რომლებიც შენობაში მანამდეც იმყოფებოდნენ, ამბობენ, რომ მათ არ იციან, როგორ შევიდნენ მათი მხარდამჭერები შენობაში, ასევე ისინი ირწმუნებიან, რომ შემოსულებს შორის სხვა უნივერსიტეტის წარმომადგენელი არც ერთი არ არის, თუმცა ვრცელდება ინფორმაცია, რომ თვითმმართველობის წარმომადგენლებს თსუ-ს სტუდენტებთან ერთად, სხვა უნივერსიტეტის წარმომადგენლებიც შეუერთდნენ.

აღსანიშნავია ის ფაქტი, რომ თვითმმართველობის მხარდამჭერები, რომლებიც თსუ- ს შენობაში ცოტა ხნის წინ შევიდნენ,ივანე ჯავახიშვილის სახელობის დარბაზში არიან შესული და ამ დროისთვის არც ერთი მათგანი მედიასთან კომენტარს არ აკეთებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები