შინაგან საქმეთა ყოფილი მინისტრის, პარტია „გახარია საქართველოსთვის“ ლიდერის, გიორგი გახარიას განცხადებით, 20 ივნისს, მას შემდეგ, რაც აქციის მონაწილეების დაშლისას რეზინის ტყვიების გამოყენების შესახებ გაიგო, „რაციით გასცა ბრძანება, რომ რეზინის ტყვიების სროლა მაქსიმალურად ყველას შეეწყვიტა.

მისივე განმარტებით, ყველა იყო გაფრთხილებული, რომ პოლიციის კანონის შესაბამისად ემოქმედათ „მხოლოდ და მხოლოდ, იმ შემთხვევაში, თუ მათ ან მოქალაქეების სიცოცხლეს პირდაპირი რისკი ემუქრებოდა“.

აღნიშნულის შესახებ გიორგი გახარიამ 20 ივნისის მოვლენებზე საუბრისას, პარლამენტის დროებითი საგამოძიებო კომისიის სხდომაზე განაცხადა, როდესაც უპასუხა კომისიის თავმჯდომარის, თეა წულუკიანს შემდეგ შეკითხვას:

„თქვენ [ალბათ] მალევე შეიტყვეთ, რომ რეზინის ტყვიები იყო გამოყენებული. როდესაც თქვენ ეს შეიტყვეთ, როგორი იყო თქვენი რეაქცია?“ - მიმართა წულუკიანმა გახარიამ.

„დიახ, შევიტყვე და ამის შემდგომ რეაქცია იყო ბრძანების გაცემა, რომ რეზინის ტყვიების სროლა მაქსიმალურად ყველას შეეწყვიტა. ყველა უკიდურესად, კატეგორიულად იყო გაფრთხილებული, რომ მხოლოდ და მხოლოდ იმ შემთხვევაში, თუ მათ ან მოქალაქეების სიცოცხლეს პირდაპირი რისკი ემუქრებოდა, პოლიციის კანონის შესაბამისად ემოქმედათ. ეს იყო. ეს ბრძანება მე გადავეცი, გავეცი ჩემს მოადგილეებს .“- უპასუხა გიორგი გახარიამ.

გახარიას კომისიის თავმჯდომარემ, წულუკიანმა ჰკითხა, „თუ რომელ მოადგილეს მისცა ეს ბრძანება, რა ფორმით გასცა ბრძანება, ეს იყო ტელეფონით, თუ გვერდით ეჯდა და ისე უთხრა? და რამდენად სწორად „ჩაიშალა“ გაცემული ბრძანება“.

გახარიამ უპასუხა, რომ ბრძანება რაციით გასცა.

„როგორც მახსოვს, რაციით იმიტომ, რომ მაშინ კავშირგაბმულობის პრობლემა იყო, ვსარგებლობდი რაციით და შესაბამისად, ვინც რაციაზე იყო, ამას ყველა გაიგებდა. [რაციაზე იყვნენ] მოადგილეები და ხელმძღვანელი თანამდებობის პირები. არ მახსოვს, ახლა, ასე გვარები, ექვსი წელია უკვე (გასული)“, - განაცხადა გახარიამ.

როგორც გახარიამ აღნიშნა, მის მის მიერ რაციაში გაცემული ბრძანების შესახებ საპასუხო დასტური მიიღო, თუმცა ამის შემდგომ „რეზინის ტყვიები [მაინც] იყო გამოყენებული“.

„ამის შემდგომაც იყო რეზინის ტყვიები გამოყენებული, [მაინც გამოიყენეს] კი.“, - აღნიშნა გახარიამ.

მას თეა წულუკიანმა ჰკითხა, როდესაც აკრძალვის შესახებ ბრძანება გასცა, იმყოფებოდა თუ არა მასთან ერთად ვინმე, რაზეც გიორგი გახარიამ უპასუხა, რომ არ ახსოვს.

„არ მახსოვს. თუ ეს გავეცი რაციით, გამოძიებაში იქნება“, - აღნიშნა გახარიამ.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ